កងទ័ពរុស្ស៊ី វាយលុកទីក្រុង Sievierodonetsk យ៉ាងចាស់ដៃ និង ធ្វើឱ្យពលរដ្ឋរាប់រយនាក់ជាប់គាំងក្នុងរោងចក្រគីមី
កងទ័ពខ្លាឃ្មុំទឹកកករុស្ស៊ីបានវាយលុកចូលទីក្រុង Sievierodonetsk ដោយមិនប្រណីដៃទៅលើតំបន់មួយចំនួននៃទីក្រុង ស្របពេលដែលអ្នកប្រយុទ្ធអ៊ុយក្រែនបានធ្វើសកម្មភាពការពារក្នុងការប្រយុទ្ធដ៏ខ្លាំងក្លាមួយនេះ ។ ក្នុងនោះទ័ពខ្លាឃ្មុំទឹកកករុស្ស៊ីក៏បានបំផ្លាញស្ពាននៅទីក្រុង Sievierodonetsk ដោយបន្សល់ទុកជនស៊ីវិលឱ្យនៅជាប់គាំងនៅទីនោះពោលគឺសល់តែស្ពានមួយដើម្បីរត់ឆ្លងទន្លេទៅកាន់ទីក្រុងដែលជិតនោះគឺទីក្រុង Lysychansk ។