ការសិក្សាមួយពីមហាវិទ្យាល័យ Westminster បានរកឃើញថា ការមើលរឿងរន្ធត់ៗ ពិសេសរឿងខ្មោច អាចដុតកាឡូរីបានច្រើនស្មើនឹងការដើរហាត់ប្រាណរយៈពេល ៣០ នាទី នេះបើតាមការចេញផ្សាយដោយសារព័ត៌មាន Unilad។
តាមការសិក្សាបានបង្ហាញថា ការមើលរឿងរន្ធត់រយៈពេល ៩០ នាទី អាចដុតកាឡូរីបានប្រមាណជិត ២០០ កាឡូរី ដែលបរិមាណនេះគឺប្រហាក់ប្រហែលនឹងបរិមាណដែលដុតតាមរយៈការដើរហាត់ប្រាណរយៈពេល ៣០ នាទីដែរ។ បើតាមសាស្ត្រាចារ្យជាន់ខ្ពស់ និង អ្នកជំនាញផ្នែក cell metabolism រួមទាំងអ្នកជំនាញផ្នែកសរីរវិទ្យាប្រចាំមហាវិទ្យាល័យខាងលើបាននិយាយថា ពួកគេបានធ្វើតេស្តលើមនុស្សចំនួន ១០ នាក់ឱ្យមើលភាពយន្តរន្ធត់ចំនួន ១០ ផ្សេងៗគ្នា។
ជាលទ្ធផលពួកគេរកឃើញថា ជីពចររបស់មនុស្សទាំងនោះលោតខ្លាំងដែលបណ្ដាលឱ្យចង្វាក់បេះដូងក៏លោតញាប់ដែរ ហើយចុងបញ្ចប់នៃរឿងក៏រកឃើញថាចំនួនកាឡូរីរបស់ពួកគេដែលត្រូវបានដុតបំផ្លាញក៏កើនឡើងដូចគ្នា។ រឿងកាន់តែរន្ធត់ នោះចំនួនកាឡូរីក៏ដុតបានច្រើនទៅតាមនោះដែរ៕
