សារព័ត៌មាន Unilad បានចេញផ្សាយរឿងរ៉ាវរបស់បុរសអភ័ព្វខ្លួនម្នាក់ ដែលរស់នៅពេញមួយជីវិតរបស់ខ្លួនរយៈពេល ៨២ ឆ្នាំ ដោយគ្មានបានស្គាល់រសជាតិជួបប្រទះឃើញមុខមនុស្សស្រីសូម្បីតែម្នាក់។
តាមរឿងដែលដំណាល បុរសរូបនោះមានឈ្មោះ Mihailo Tolotos បានកើតនៅពាក់កណ្ដាលសតវត្សរ៍ទី ១៩ ហើយជីវិតរបស់លោកក្លាយជាក្មេងកំព្រាភ្លាមៗ ក្រោយកើតបានមិនបានប៉ុន្មាន។ លោកត្រូវបានគេបញ្ជូនទៅព្រះវិហារមួយលើភ្នំ Athos ដែលជាសហគមន៍ទីអារាមមួយមានការហាមប្រាមយ៉ាងតឹងរឹងមិនឱ្យមនុស្សស្រីចូលទៅទីនោះជាដាច់ខាត។
ដោយសារតែវិន័យដ៏តឹងរឹងនេះហើយ បូករួមជាមួយទីតាំងធម្មជាតិដ៏ដាច់ស្រយាលពីគេឯងលើភ្នំផងនោះ ទើបមានការអះអាថថា លោក Tolotos បានរស់ និង ស្លាប់នៅទីនោះដោយគ្មានសូម្បីបានជួបប្រទះមនុស្សស្រីសូម្បីម្ដង។ គួរបញ្ជាក់ឱ្យដឹងដែរថា មិនមានឯកសារប្រវត្តិសាស្ត្រណាម្នាក់ពីដំណើរជីវិតលម្អិតរបស់លោក Tolotos ឡើយ ដូច្នេះរឿងខ្លះគឺផ្អែកតែលើការដំណាលតគ្នាមិនមានការកំណត់សាវតាច្បាស់លាស់ឡើយ។
យ៉ាងណាមិញ ចំពោះរឿងដែលនៅលើភ្នំ Athos មានវិន័យតឹងរឹងហាមប្រាមមនុស្សស្រីនោះគឺជារឿងពិតប្រាកដមែន ដោយវិន័យមួយនេះនៅតែអនុវត្តធ្វើរហូតមកដល់សព្វថ្ងៃ៕
ប្រភព៖ Unilad
