លោកនាយករដ្ឋមន្ត្រីប្រទេសថៃ Anutin Charnvirakul បានប្រកាសលុបចោលដំណើរចូលរួមកិច្ចប្រជុំអាស៊ាន ដោយលើកហេតុផលបើកការប្រជុំគណៈរដ្ឋមន្ត្រី និង ធ្វើការកាន់ទុក្ខព្រះមហាក្សត្រី Sirikit សុគត។
នៅថ្ងៃទី ២៥ ខែតុលា ឆ្នាំ ២០២៥ នេះ បរិយាកាសក្នុងកិច្ចប្រជុំគណៈរដ្ឋមន្ត្រី មានភាពស្ងប់ស្ងាត់ ដោយមានរដ្ឋមន្ត្រី មន្ត្រីរាជការ និង អ្នកសារព័ត៌មានទាំងអស់ ស្លៀកពាក់ខ្មៅ ដើម្បីគោរពព្រះវិញ្ញាណក្ខន្ធ ព្រះមហាក្សត្រី Sirikit ដែលបានយាងសោយទីវង្គត កាលពីយប់ថ្ងៃសុក្រ ទី ២៤ ខែតុលា វេលាម៉ោង ០៩:២១ នាទី។
នាយករដ្ឋមន្ត្រី និង ជារដ្ឋមន្ត្រីក្រសួងមហាផ្ទៃ លោក Anutin Charnvirakul បានដឹកនាំកិច្ចប្រជុំគណៈរដ្ឋមន្ត្រីពិសេស នៅបន្ទប់លេខ ៥០១ នាវិមានរដ្ឋាភិបាល ដោយប្រកាសលុបចោលការចូលរួមកិច្ចប្រជុំកំពូលអាស៊ាននៅប្រទេសម៉ាឡេស៊ី។
គួរឱ្យដឹងថា បើតាមប្រភពពីវិមានរដ្ឋាភិបាលបានបង្ហើបថា លោកនាយករដ្ឋមន្ត្រីថៃ នឹងត្រូវចូលរួមកិច្ចប្រជុំកំពូលនៅថ្ងៃស្អែក ដែលស្របគ្នានោះក៏នឹងមានការចុះហត្ថលេខាលើកិច្ចព្រមព្រៀងសន្តិភាពថៃ-កម្ពុជា ដែលមានប្រធានាធិបតីសហរដ្ឋអាមេរិកជាអ្នកសង្កេតការណ៍។ តាមការរំពឹង ការចុះហត្ថលេខានឹងត្រូវកំណត់ពេលពីរសៀលដល់ព្រឹក ប៉ុន្តែប្រសិនបើអាមេរិកមិនអាចកែសម្រួលបាន លោក Anutin នឹងប្រគល់ភារកិច្ចនេះទៅរដ្ឋមន្ត្រីក្រសួងការបរទេសដើម្បីចុះហត្ថលេខាជំនួស៕
ប្រភព៖ The Nation Thailand
