ថ្មីៗនេះ អ្នកគាំទ្រវិស័យបវរកញ្ញានៅហ្វីលីពីនមានក្ដីរំភើបចិត្តខ្លាំង ក្រោយពីឃើញបវរកញ្ញាចក្រវាលឆ្នាំ ២០១៣ នាង Megan Young បានចែករំលែកកម្រងរូបភាពជាច្រើននៅលើបណ្ដាញសង្គម Instagram និង Facebook របស់ខ្លួន update ដល់អ្នកគាំទ្រពីដំណើរទំព័រជីវិតថ្មីរបស់នាងដែលពេលនេះបានក្លាយជាម្ដាយរបស់គេហើយ។
រូបភាពដែលបានបង្ហោះទាំងនោះដែរ បង្ហាញពីពេលវេលាដែលនាងសម្រាលកូននៅមន្ទីរពេទ្យរហូតដល់ពេលដែលនាង និង ក្រុមគ្រួសារមើលថែកូនប្រុសពូជដំបូងនៅផ្ទះផងដែរ។ អមមកជាមួយរូបភាព Megan ក៏បានសរសេរសារយ៉ាងវែងរៀបរាប់ពីអារម្មណ៍របស់ខ្លួនបែបនេះថា៖ «ក្នុងពេល ២ សប្ដាហ៍កន្លងទៅនេះ គឺពិតជារីករាយខ្លាំង ហត់នឿយខ្លាំង និង សប្យាយខ្លាំងមែនទែន។ ខ្ញុំពិតជាអរគុណខ្លាំងមែនទែនដែលមានប្រព័ន្ធជំនួយល្អបែបនេះ។ រាប់គិតពីក្រុមគ្រូពេទ្យ និង បុគ្គលិកពេទ្យពេលដែលពួកយើងនៅមន្ទីរពេទ្យ ក្រុមគ្រួសាររបស់យើង និង មិត្តភក្តិដែលបានមកសួរសុខទុក្ខ បង្ហាញក្ដីស្រឡាញ់ និង មើលថែឥតឈប់ឈរ និង មិត្តភក្តិដែលតែងតែជួយរាល់ពេលដែលខ្ញុំផ្ញើសារសុំយោបល់ណែនាំ អរគុណអ្នកទាំងអស់គ្នាមែនទែនដែលតែងតែនៅក្បែរពួកយើង…»។
បវរកញ្ញាពិភពលោកឆ្នាំ ២០១៣ Megan Young និង តារាសម្ដែងប្រុសរូបសង្ហា Mikael Daez បានស្វាគមន៍កំណើតកូនដំបូងរបស់ពួកគេដែលជាកូនប្រុស កាលពីថ្ងៃទី ២៨ ខែឧសភា ឆ្នាំ ២០២៥ កន្លងទៅ។ គួររំឭកដែរថា Mikael និង Megan បានចាប់ផ្ដើមទំនាក់ទំនងស្នេហាគ្នាយូរឆ្នាំណាស់ ទម្រាំឈានដល់ថ្ងៃចាប់ដៃគ្នារៀបការនៅក្នុងឆ្នាំ ២០២០ និង ប្រកាសដំណឹងល្អមានទាយាទដំបូងជាមួយគ្នាក្នុងពោះកាលពីខែធ្នូ ឆ្នាំ ២០២៤ កន្លងទៅ៕
