ពលរដ្ឋរាប់ពាន់នាក់នៅឥណ្ឌានាំគ្នាភ្លូកទឹកភ្លូកដីតម្រង់ជួរគ្នា ដើម្បីឱ្យអាចារ្យយកផ្លែដូងបោកបំបែកលើក្បាលរបស់ពួកគេ ដោយមានជំនឿជឿយ៉ាងមុតមាំថានឹងនាំឱ្យពួកគេមានសុខភាពល្អ និង ជួបភាពជោគជ័យក្នុងជីវិត។
តាមសម្ដីរបស់អ្នកកាន់សាសនាម្នាក់បានលើកឡើងថា ៖ «ក្រុមគ្រួសាររបស់ខ្ញុំបានមកកាន់ព្រះវិហារនេះរាប់ឆ្នាំមកហើយ។ ពេលនេះទៀត សមាជិក ៤ នាក់នៃគ្រួសារយើងក៏បានមកប្រារព្ធធ្វើពិធីតាមសាសនាទៀត។ ផ្លែដូងបានបែកល្អណាស់ ហើយយើងសង្ឃឹមថាវានឹងនាំភាពជោគជ័យដល់ពួកយើង»។
គួរឱ្យដឹងថា ពិធីសាសនាដ៏ចម្លែកមួយនេះបានធ្វើឱ្យអ្នកជឿលើសាសនាជាច្រើននាំគ្នាប្រារព្ធធ្វើទាំងក្មេងទាំងចាស់ ដោយមិនខ្វល់ពីហានិភ័យដែលពួកគេអាចជួបប្រទះពេលដែលផ្លែដូងដ៏រឹងបោកលើក្បាលរបស់ពួកគេនោះឡើយ។ ជាក់ស្ដែង ខាងអ្នកជំនាញផ្នែកពេទ្យក៏បានធ្វើការព្រមានពីហានិភ័យដែលពួកគេប្រឈមផងដែរ តែយ៉ាងណាមិញពលរដ្ឋជាច្រើននៅតែបដិសេធមិនធ្វើតាម និង នៅតែបន្តប្រារព្ធធ្វើពិធីតាមប្រពៃណីទំនៀមទម្លាប់របស់ពួកគេដដែល៕
