កាលពីយប់ថ្ងៃទី ១៩ ខែសីហា ឆ្នាំ ២០២៥ (ពេលវេលាក្នុងតំបន់) មានហេតុការណ៍គ្រោះថ្នាក់ចរាចរណ៍ដ៏រន្ធត់ខ្លាំងមួយបានកើតឡើងនៅខេត្ត Herat ប្រទេសអាហ្វហ្គានីស្ថាន ដោយរថយន្តក្រុងមួយគ្រឿងដឹកអ្នកចំណាកស្រុកពីប្រទេសអ៊ីរ៉ង់ បានបុកគ្នាពេញទំហឹងជាមួយឡានដឹងប្រេងមួយគ្រឿង និង ម៉ូតូមួយគ្រឿងទៀត បណ្ដាលឱ្យមនុស្សយ៉ាងហោចណាស់ ៧៦ នាក់បានស្លាប់ ក្នុងនោះ ១៧ នាក់សុទ្ធជាក្មេងៗ។
តាមព័ត៌មានទទួលបានពីអ្នកនាំពាក្យរដ្ឋាភិបាលខេត្ត Herat បានបញ្ជាក់ថា ពលរដ្ឋអាហ្វហ្គានីស្ថានចំនួន ៧៦ នាក់បានស្លាប់ និង ៣ នាក់ផ្សេងទៀតបានរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍ខាងលើនេះ។ ជនរងគ្រោះទាំងនោះគឺកំពុងធ្វើដំណើរទៅទីក្រុង Kabul តាមរថយន្តក្រុងនៅ Islam Qala បំណងត្រឡប់ទៅស្រុកកំណើតវិញ។
តាមការរៀបរាប់របស់ប៉ូលិសបានឱ្យដឹងថា រថយន្តដឹកប្រេងបានបុកគ្នាជាមួយរថយន្តក្រុង និង ម៉ូតូ ពេញទំហឹង បង្កជាការឆាបឆេះខ្លាំងក្លា ទើបជនរងគ្រោះគ្មានឱកាសនឹងអាចគេចផុតពីសេចក្ដីស្លាប់បាន៕
ប្រភព៖ Kenh14
