បើតាមស្ថិតិផ្អែកតាមទិន្នន័យបញ្ជីប្រជាពលរដ្ឋ កាលពីថ្ងៃទី ០១ ខែកញ្ញា ឆ្នាំ ២០២៥ កន្លងទៅ បានបង្ហាញថា ប្រទេសជប៉ុនបច្ចុប្បន្នមានបុរស និង ស្ត្រី ចំនួន ៩៩ ៧៦៣ នាក់ ជាមនុស្សចាស់វ័យ ១០០ ឆ្នាំ ឬលើសនេះ។ បើធៀបទៅនឹងឆ្នាំទៅ ចំនួនមនុស្សចាស់ជរាក្នុងប្រទេសនេះគឺកើនរហូតដល់ ៤៦៤៤ នាក់ ដែលជាចំនួនខ្ពស់បំផុតមិនធ្លាប់មានគិតតាំងពីការចាប់ផ្ដើមធ្វើស្ថិតិក្នុងឆ្នាំ ១៩៧០ មក។
បច្ចុប្បន្ន មនុស្សចំណាស់ជាងគេបំផុតក្នុងប្រទេសចិនគឺលោកយាយ Shigeko Kagawa ដោយលោកយាយមានអាយុ ១១៤ ឆ្នាំ រស់នៅក្រុង Yamatokoriyama ខេត្ត Nara ខណៈបុរសវ័យចំណាស់ជាងគេបំផុតនៅជប៉ុនគឺលោកតា Mizuno Kiyoshii អាយុ ១១១ ឆ្នាំ ដោយបច្ចុប្បន្នលោកតារស់នៅក្នុងក្រុង Iwata ខេត្ត Shizuoka។
ជាមួយនឹងការកើនឡើងនៃចំនួនមនុស្សមានវ័យចំណាស់នេះដែរ ប្រទេសជប៉ុនគឺចាត់ទុកជាប្រទេសមួយដែលមានអាយុរំពឹងទុកជាមធ្យមខ្ពស់ជាងគេបំផុត និង ចំនួនមនុស្សអាយុដល់រយឆ្នាំច្រើនជាងគេលើពិភពលោក៕
