សំបុត្រទស្សនា AFF Suzuki Cup មានលក់ជាផ្លូវការហើយ នៅពហុកីឡដ្ឋានជាតិ
កម្ពុជាដែលជាប្រទេសមួយក្នុងចំណោម ១០ ប្រទេសទៀត ដែលចូលរួមក្នុងពានរង្វាន់ធំជាងគេបង្អស់ក្នុងតំបន់អាស៊ាន AFF Suzuki Cup 2018 ត្រូវបានដាក់លក់សំបុត្រទស្សនារបស់ខ្លួនហើយ កាលពីថ្ងៃម្សិលមិញ ។
សំបុត្រទស្សនាការប្រកួត AFF Suzuki Cup ២០១៨ រវាងក្រុមជម្រេីសជាតិកម្ពុជា និង ក្រុមជម្រេីសជាតិម៉ាឡេសុី បានដាក់លក់នាវេលាម៉ោង ៩ ព្រឹកដល់ម៉ោង ៦ ល្ងាច នៅពហុកីឡដ្ឋានជាតិ តាំងពីម្សិលមិញមកម្ល៉េះ ដែលតម្លៃសំបុត្រចែកជា ២ ប្រភេទ ដោយប្រភេទ ១ មានតម្លៃ ១២ ០០០ ៛ និង ប្រភេទ ២ មានតម្លៃ ៦ ០០០ ៛ ។
គូសបញ្ជាក់ផងដែរថា ប្រកួតបើកឆាកដំបូងរបស់កម្ពុជា នឹងត្រូវជួបជាមួយ ម៉ាឡេសុី នៅថ្ងៃទី ០៨/១១/២០១៨ វេលាម៉ោង ៦:៣០ ល្ងាច នៅពហុកីឡដ្ឋានជាតិ ដែលជាប្រកួតក្នុងដីដំបូងរបស់កម្ពុជា និង ក៏ជាប្រកួតដំបូងបង្អស់បើកការប្រកួតពានមួយនេះផងដែរ ៕
ដោយ៖ Coura ប្រភព(FFC)
