Real Madrid ចាប់អារម្មណ៍ Son ស្របពេលដែលគេកំពុងបង្កព្យុះភ្លៀងនៅ Premier League
កីឡាករខ្សែប្រយុទ្ធសញ្ជតិកូរ៉េខាងត្បូង រកបានគម្រប់ ១០០ គ្រាប់ហើយ នេះបើគិតតែគ្រាប់ដែលគេរកបានឱ្យក្រុម Tottenhamp Hotspur ក្រោយពីគេចូលរួមតាំងពីឆ្នាំ ២០១៥ មក។ មិនតែប៉ុណ្ណោះ គេក៏កំពុងតែត្រូវគេចាត់ទុកជាកីឡាករអាស៊ីលេខ ១ និង ជាខ្សែប្រយុទ្ធល្អបំផុតផងដែរនៅ Premier League ហើយថ្មីៗនេះ គេទើបតែឈ្នះពានរង្វាន់កីឡាករខ្សែប្រយុទ្ធស៊ុតបានល្អបំផុតប្រចាំឆ្នាំ ២០២០ ។
គុណសម្បត្តិទាំងអស់នេះ បានធ្វើឱ្យ Son ទទួលការចាប់អារម្មណ៍ពីសំណាក់លោក Zidane គ្រូបង្វឹកក្លិប Real Madrid ដែលកំពុងតែស្វែងរកខ្សែប្រយុទ្ធល្អបំផុតមកជំនួសកន្លែងស្លាបឆ្វេង ដែលជាតំបន់ខ្សោយខ្លាំងក្រោយពេលដែលបាត់បង់ Ronaldo ទៅ ។
គួរឱ្យដឹងដែរថា Son ចាប់អាជីពបាល់ទាត់កាលពីឆ្នាំ ២០១០ មកម្ល៉េះ ដោយលេងនៅលីគកំពូលអាល្លឺម៉ង់ រហូតដល់ឆ្នាំ ២០១៥។ ក្នុងនោះ កីឡាកររូបសង្ហានេះ រកបាន ៤៥ គ្រាប់ ត្រឹម ១៣៥ ប្រកួត។ មុននឹងផ្លាស់មក Spur ដោយត្រឹម ៥ ឆ្នាំ លោករកបាន ១០០ គ្រាប់៕
ប្រភព៖ Marca