អ្នកបើកបរផ្លូវល្បឿនលឿនភ្នំពេញ-ព្រះសីហនុ ចាំបាច់ត្រូវដឹងរឿង ៦ យ៉ាងនេះ ដើម្បីធានាសុវត្ថិភាព

តាមរយៈផេក ផ្លូវល្បឿនលឿន ភ្នំពេញ-ក្រុងព្រះសីហនុ កាលពីចុងខែកញ្ញា ឆ្នាំ ២០២៣ កន្លងទៅនេះ បានចេញសេចក្តីក្រើនរំឭក ដើម្បីការពារសុវត្ថិភាពក្នុងការធ្វើដំណើរនៅលើផ្លូវល្បឿនលឿន ដល់អ្នកដំណើរទាំងអស់។

ជាក់ស្ដែង ដើម្បីការពារសុវត្ថិភាពក្នុងការធ្វើដំណើរនៅលើផ្លូវល្បឿនលឿន ក្រុមហ៊ុនបានធ្វើការក្រើនរំឭកបន្ថែមអំពីចំណុចសំខាន់ៗមួយចំនួន ដែលអ្នកបើកបរ និងអ្នករួមដំណើរគួរយល់ដឹង៖

១. ហាមបើកបរត្រឡប់ក្រោយ

២. ហាមបើកបរបញ្រ្ចាសទិស ឬថយក្រោយ

៣. ហាមបើកបរលើសល្បឿនកំណត់

៤. ហាមដឹកអ្នកដំណើរនៅក្រោយរថយន្តភីកអាប់

៥. ហាមបោះសំរាមចោលតាមផ្លូវ

៦. ហាមឈប់លើគន្លងឈប់បន្ទាន់ដោយគ្មានករណីអាសន្ន

ដោយឡែក ជនដែលល្មើសនឹងច្បាប់នៅលើផ្លូវល្បឿនលឿន នឹងត្រូវទទួលទោសតាមច្បាប់ចរាចរណ៍ផ្លូវគោកដែលបានចែងដោយព្រះរាជាណាចក្រកម្ពុជា។ ចំពោះករណីបន្ទាន់ ឬមានចម្ងល់ផ្សេងៗ សូមទំនាក់ទំនង៖1399 ឬ092 33 1399 /098 33 1399៕