ផ្ទុះចាប់អារម្មណ៍! បេក្ខជន Cambodian Idol ទិត សិរីវឌ្ឍនា មុខមាត់ស្រដៀងតារាប្រុស TVB ល្បី Bosco Wong
ថ្មីៗនេះ លើបណ្ដាញសង្គមមហាជនអ្នកគាំទ្ររបស់កម្មវិធី Cambodian Idol រដូវកាលទី ៥ ក្រៅពីចាប់អារម្មណ៍ចំពោះការបង្ហាញសមត្ថភាពរបស់បេក្ខជននីមួយៗក្នុងវគ្គ Judge Audition សប្ដាហ៍ទី ១ កន្លងទៅនេះ ឃើញថាមហាជន ក៏កំពុងផ្ទុះការចាប់អារម្មណ៍ពីបេក្ខជនមួយរូបឈ្មោះ ទិត សិរីវឌ្ឍនា។
ក្នុងនោះ បេក្ខជន ទិត សិរិវឌ្ឍនា ហាក់ឆក់ក្រសែភ្នែកមហាជនអ្នកគាំទ្រលើបណ្ដាញសង្គមខ្លាំងជាមួយនឹងរូបភាពមួយសន្លឹក ជារូបភាពដែលកម្មវិធីប្រកាសលទ្ធផលរបស់លោកអាចឈានទៅវគ្គបន្តនៃកម្មវិធី ដោយមហាជនផ្ទុះចែករំលែកសរសើរខ្លាំងពីរូបសម្រស់ដ៏សង្ហាមានមន្តស្នេហ៍របស់លោក។
លើសពីនេះ អ្វីកាន់តែចាប់អារម្មណ៍ចំពោះមតិសរសើររបស់មហាជនអ្នកគាំទ្រភាគច្រើន គឺបាននិយាយថាកំលោះសង្ហាវ័យ ២០ ឆ្នាំ ទិត សិរិវឌ្ឍនា មានមុខមាត់ស្រដៀងនឹងតារាសម្ដែងប្រុសចិនដ៏ល្បីឈ្មោះលោក Bosco Wong ទៀតផង៕
