មិនធម្មតា! ត្រឹម ១ សប្ដាហ៍ដំបូង ភាពយន្តរឿង «John Wick» វគ្គ ៤ រកចំណូលបានដល់ ១៣៧ លានដុល្លារ
សារព័ត៌មាន VN Express កាលពីពេលថ្មីៗនេះបានចុះផ្សាយថា រឿង John Wick វគ្គ ៤ ត្រឹមតែមួយសប្ដាហ៍ដំបូងបានរកប្រាក់ចំណូលបានដល់ទៅ ១៣៧.៥ លានដុល្លារ ដោយបានឈរលើកំពូលតារាងក្នុងចំណោមប្រទេសចំនួន ៧២។
យ៉ាងណាមិញ ការលក់សំបុត្ររបស់ John Wick វគ្គ ៤ បានរកប្រាក់ចំណូលបាន ៧៣.៥ លានដុល្លារអាមេរិក គិតត្រឹមតែប្រទេសអាមេរិក ភាគខាងជើងតែមួយគត់ ដោយកាលពីសប្ដាហ៍មុនរឿងនេះបានឈរនៅកំពូលតារាង Box Office ខណៈដែលនៅលើទីផ្សារអន្តរជាតិ រឿងនេះក៏រកចំណូលបានបន្ថែមចំនួន ៦៤ លានដុល្លារទៀត និង បានឈរនៅលើកំពូលតារាង Box Office នៅក្នុងប្រទេសចំនួន ៧២ រួមទាំងទីផ្សារធំៗជាច្រើនដូចជា អូស្ត្រាលី និង រុស្ស៊ី។
មិនតែប៉ុណ្ណោះ David A. Gross ដែលជាអ្នកជំនាញខាង Box Office នៅ Franchise Entertainment Research បាននិយាយដែរថា ៖ «វគ្គនីមួយៗនៃរឿង John Wick បានរកប្រាក់ចំណូលជាច្រើន ជាមួយការសម្ដែងដ៏អស្ចារ្យ ដោយវគ្គ ៤ នេះវាបានចំណាយប្រាក់ប្រមាណ ១០០ លានដុល្លារ ដើម្បីផលិតរឿងនេះ»។
គួរដឹងដែរថា រឿង John Wick វគ្គ ៤ នេះ បានថតនៅទីតាំងជាច្រើនដូចជា ប៉ារីស (បារាំង) ប៊ែរឡាំង (អាល្លឺម៉ង់) ញូវយ៉ក (សហរដ្ឋអាមេរិក) និង ទីក្រុងមួយចំនួនទៀតក្នុងប្រទេសជប៉ុន។ រឿងនេះកាលពី ៣ វគ្គដំបូងបានរកប្រាក់ចំណូលបានដល់ ៥៨៧ ដុល្លារ ដោយផលិតករនៃរឿងនេះបានបញ្ជាក់ថា វានឹងមានវគ្គទី ៥ បន្តទៀត៕
ប្រភព ៖ VN Express
