បើនិយាយដល់តារាចម្រៀងស្រី Jisoo សមាជិកក្រុម BLACKPINK មិនត្រឹមជាតារាស្រីដ៏មានសមត្ថភាព និង ជោគជ័យខ្លាំងមួយរូបប៉ុណ្ណោះទេ នាងក៏ជាតារាស្រីម្នាក់ដែលមានរូបសម្រស់ស្រស់ស្អាតល្អដាច់គេផងដែរ។ ជាក់ស្ដែង ថ្មីៗនេះ តារាចម្រៀងវ័យ ២៩ ឆ្នាំរូបនេះបានគ្រងតំណែងជា «ស្ត្រីមានរូបសម្រស់ល្អដាច់គេលើលោក» ក្នុងតារាងស្ត្រី ១០ នាក់មានរូបសម្រស់ស្រស់ស្អាតជាងគេលើពិភពលោកប្រចាំឆ្នាំ ២០២៤ របស់ទស្សនាវដ្ដី Nubia។ ការគ្រងតំណែងលើកនេះ បានធ្វើឱ្យ Jisoo ជាប់ឈ្មោះជាស្រីស្អាតដាច់គេរយៈពេល ៣ ឆ្នាំជាប់គ្នាហើយ។
គួរឱ្យដឹងថា តំណែងខាងលើនេះដែរបានកំណត់ឡើងដោយការស្ទង់មតិជាសកលលោកជាមួយការបោះឆ្នោតចំនួន ៣០ ម៉ឺនសំឡេងពីប្រទេសចំនួន ១០៦។ ក្រៅពី Jisoo តារា K-pop ចំនួន ៣ រូបផ្សេងទៀតក៏ជាប់ឈ្មោះក្នុងតារាងផងដែរ ក្នុងនោះរួមមានអតីតសមាជិកក្រុម Momoland តារាចម្រៀង Nancy ជាប់ក្នុងចំណាត់ថ្នាក់លេខ ២ សមាជិកក្រុម IVE តារាចម្រៀង Wonyoung ជាប់លេខរៀងទី ៤ និង សមាជិកក្រុម BLACKPINK ម្នាក់ទៀតគឺ Rose ជាប់នៅលេខរៀងទី ៨។
ចំពោះតារាស្រីផ្សេងទៀតដែលជាប់ក្នុងតារាងរួមមានតារាសម្ដែងស្រីចិន Dilraba Dilmurat ជាប់នៅលេខរៀងទី ៥ តារាហូលីវូដ Sydney Sweeney លេខរៀងទី ៦ តារាសម្ដែងស្រី Zendaya ជាប់លេខរៀងទី ៧ និង តារាចម្រៀង Ariana Grande នៅលេខរៀងទី ៩៕
ប្រភព៖ 8days
