គិតមកទល់ថ្ងៃនេះ រយៈពេល ៥ ថ្ងៃហើយដែលសង្គ្រាមរវាងប្រទេសកម្ពុជា និង ចោរឈ្លានពានថៃនៅមិនរលត់ បើគិតមកដល់ព្រឹកថ្ងៃទី ២៨ ខែកក្កដា ឆ្នាំ ២០២៥ នេះ កងទ័ពចោរឈ្លានពានថៃគឺនៅតែបន្តវាយប្រហារមកលើដែនអធិបតេយ្យភាពកម្ពុជាដដែល។
ស្របពេលកងកម្លាំងជួរមុខកំពុងតែតស៊ូការពារបូរណភាពទឹកដីយ៉ាងហានក្លា កងទ័ពជួរក្រោយក៏មិននៅស្ងៀមផងដែរដោយបានស្រុះដៃស្រុះជើងគ្នាជួយជាកម្លាំងចិត្ត និង ថវិកា ស្បៀងអាហារគ្រឿងបរិក្ខារប្រើប្រាស់នានា ដើម្បីជាជំនួយទៅដល់បងប្អូនកងទ័ពជួរមុខ ក៏ដូចជាបងប្អូនជនភៀសសឹករាប់ម៉ឺននាក់ដែលកំពុងតែភៀសខ្លួនមកកាន់ជំរំមានសុវត្ថិភាព។
ដោយឡែក ក្នុងកាលៈទេសៈប្រទេសកំពុងតែជួបសង្គ្រាមឈ្លានពានដោយចោរស្រេកឃ្លានទឹកដីគេពីសំណាក់ខាងថៃ ចំពោះបងប្អូនដែលមិនមែនជាជនភៀសសឹក និង កំពុងតែរស់នៅកន្លែងមានសុវត្ថិភាពពេញទី គួរណាស់កុំធ្វើរឿង ៣ ចំណុចខាងក្រោមនេះ៖
១. កុំនាំគ្នាជួបជុំផឹកស៊ីសប្បាយក្អាកក្អាយ ទាំងដែលកងទ័ពជួរមុខកំពុងប្ដូរសាច់ស្រស់ឈាមស្រស់ដើម្បីការពារទឹកដី ការពារសុខសុវត្ថិភាពរបស់អ្នក។
២. កុំផុសរូបសើចស្ញេញស្ញាញ ទាំងដែលប្រទេសកំពុងមានសង្គ្រាម បើមានរូបស្អាត ចាំបង្ហោះអួតក្រោយស្រុកចប់សង្គ្រាមទៅ។
៣. កុំផុសបង្ហាញរូបភាពញ៉ាំអាហារឆ្ងាញ់ៗសម្បូរបែប ទាំងដែលជនភៀសសឹករាប់រយម៉ឺននាក់កំពុងរស់វេទនា គ្មានទីជម្រកត្រឹមត្រូវ ខ្វះម្ហូបអាហារ៕
ប្រភពរូបភាព៖ TVK ប្រភពអត្ថបទ៖ Thavy Uch
