ស្ត្រីម្នាក់ចាញ់កូនចម្លែក ចង់ឱ្យតែប៉ូលិសផាក បានផាកម្ដងៗអររំភើបខ្លាំងទាញដៃប៉ូលិសមកថើបខ្សឺតៗ

ជាធម្មជាតិរបស់មនុស្សស្រី ពេលមានពោះពុងតែងតែកើតអាការចាញ់កូន ខ្លះធ្វើទុក្ខក្អួតចង្អោរ ខ្លះឃ្លាននេះឃ្លាននោះ ហើយក៏មានមួយចំនួនឃ្លានអ្វីចម្លែកៗខ្លាំងដូចឃ្លានហិតផ្សែងឡានម៉ូតូជាដើម ហើយអាការចាញ់កូនបែបចម្លែកៗមិនធ្លាប់ឮពីមុនមកនេះ ក៏កំពុងកើតមានលើស្ត្រីម្នាក់នៅប្រទេសឥណ្ឌូនេស៊ី ដោយរូបនាងចាញ់កូនឃ្លានតែឱ្យប៉ូលិសចាប់ផាកពិន័យ។

សារព័ត៌មាន Sinar Harian ថ្មីៗនេះបានចេញផ្សាយករណីស្ត្រីជនជាតិឥណ្ឌូនេស៊ីម្នាក់ឈ្មោះ Riah ដែលកំពុងមានពោះពុង តែបែរជាចាញ់កូនចម្លែកខុសគេដោយនាងឃ្លានចង់ឱ្យប៉ូលិសចាប់ផាក។ បើតាមមេប៉ូលិសក្រុង Pamanukan បានឱ្យដឹងថា Riah និង ប្ដីឈ្មោះ Agus បានជិះម៉ូតូទៅទីតាំងប៉ូលិសប្រចាំការដោយបានធ្វើការស្នើសុំឱ្យប៉ូលិសចាប់ផាកពួកគេ។

ឮការស្នើសុំដ៏ចម្លែកបែបនេះ ប៉ូលិសរៀងភ្ញាក់ផ្អើលដំបូងដែរ ប៉ុន្តែក៏យល់ព្រមតាមការស្នើសុំរបស់ពួកគេដើម្បីបំពេញបំណងស្ត្រីដែលកំពុងចាញ់កូន។ ប៉ូលិសបានបន្ថែមទៀតថា Riah ពេលត្រូវប៉ូលិសផាក នាងថែមទាំងរំភើបអរស្ទើរហោះរហូតចាប់ដៃប៉ូលិសថើបទៀត ពេលប៉ូលិសហុចក្រដាសពិន័យឱ្យទៅនាង។

ករណីដ៏ចម្លែកនេះដែរ បានទាក់ទាញមហាជនជាច្រើនឱ្យមានការចាប់អារម្មណ៍ និង ធ្វើការចែករំលែកព្រោងព្រាត៕

ប្រភព៖ World Of Buzz