ថ្មីៗកន្លងទៅនេះ សារព័ត៌មាន World Of Buzz បានចេញផ្សាយករណីក្មេងប្រុសវ័យ ១០ ឆ្នាំម្នាក់នៅរដ្ឋ Penang ប្រទេសម៉ាឡេស៊ី ដែលត្រូវចូលពេទ្យសង្គ្រោះបន្ទាន់ក្នុងស្ថានភាពធ្ងន់ធ្ងរ ក្រោយពីរូបគេបានញ៉ាំស្កររូបគ្រាប់ភ្នែកដ៏ពេញនិយមហើយក៏ស្លាក់ស្ទះដង្ហើមបាត់មាត់បាត់ក។
យ៉ាងណាមិញ ទោះជាក្រុមគ្រូពេទ្យព្យាយាមសង្គ្រោះអស់ពីសមត្ថភាពយ៉ាងណាក៏ស្ថានភាពរបស់ក្មេងប្រុសខាងលើនៅតែមិនប្រសើរឡើង រហូតដល់ថ្ងៃទី ២០ ខែកុម្ភៈ ឆ្នាំ ២០២៥ កន្លងទៅ ម្ដាយមីងរបស់ក្មេងប្រុសរងគ្រោះបានចេញមកប្រកាសថា ក្មួយប្រុសរបស់ខ្លួនបានលាចាកលោកហើយ។
តាមការរៀបរាប់ពីស្ត្រីជាម្ដាយមីងបាននិយាយថា៖ «Fahmi (ឈ្មោះក្មេងរងគ្រោះ) ដកដង្ហើមចុងក្រោយរបស់គេនៅម៉ោងប្រមាណ ១១ យប់ថ្ងៃទី ២០ កុម្ភៈ។ ក្មួយខ្ញុំបានស្លាប់ពេលទទួលការសង្គ្រោះនៅមន្ទីរពេទ្យ Penang»។
គួរឱ្យដឹងដា សាកសពរបស់ Fahmi ត្រូវដឹកយកទៅធ្វើបុណ្យនៅផ្ទះយាយរបស់គេនា Permatang Binjai ហើយរៀបចំបញ្ចុះនៅព្រឹកថ្ងៃទី ២១ ខែកុម្ភៈ ឆ្នាំ ២០២៥៕
ប្រភព៖ World Of Buzz
