រឿងរ៉ាងដ៏ហួសចិត្តបំផុតមួយបានកើតមានឡើងនៅក្រុង Guangzhou ប្រទេសចិន ដោយមានអ្នកជិតខាងដ៏ល្អទាក់ទងទៅខាងក្រុមពន្លត់អគ្គិភ័យឱ្យចុះមកសង្គ្រោះជាបន្ទាន់ ក្រោយពួកគេឮសម្រែកស្ត្រីម្នាក់ស្រែកថ្ងូរឱ្យជួយជាច្រើនលើកច្រើនសាចេញពីបន្ទប់ស្នាក់នៅរបស់នាង។ យ៉ាងណាមិញ អំពើល្អរបស់អ្នកជិតខាងទាំងនោះប្រែក្លាយទៅជារឿងដាច់ចង្កេះទៅវិញ ក្រោយរកឃើញការពិតថាតាមពិតសម្រែកស្រែកឱ្យជួយនោះមិនមែនជារឿងគ្រោះថ្នាក់អ្វីឡើយ តែជាការស្រែកពេលរូបនាងកំពុងមានសម្ព័ន្ធភាពជាមួយគូស្នេហ៍ប៉ុណ្ណោះ។
វីដេអូនៃការជួយសង្គ្រោះរបស់ក្រុមពន្លត់អគ្គិភ័យ ត្រូវបានបង្ហោះចែកចាយពាសពេញបណ្ដាញសង្គមនៅចិន ដោយបង្ហាញឱ្យឃើញក្រុមសង្គ្រោះបំពាក់នូវឧបករណ៍គ្រប់ប្រភេទ បង្ហាញខ្លួនក្នុងសភាពមាំទាំពិនិត្យមើលស្ថានការណ៍មុនពួកគេធ្វើការគាស់ទ្វារឱ្យរបើកដើម្បីចូលទៅជួយជនរងគ្រោះ។
យ៉ាងណាមិញ ខណៈពេលកំពុងគាស់ទ្វារនោះក៏លេចវត្តមានបុរសម្នាក់ដើរចេញមកធ្វើមុខងឿងឆ្ងល់រួចក៏សួរទៅកាន់ក្រុមពន្លត់អគ្គិភ័យថា៖ «មានរឿងអីកើតឡើង? ពួកអ្នកឯងកំពុងធ្វើអីហ្នឹង?»។ មួយភ្លែតក្រោយមកក៏ឃើញមានស្ត្រីម្នាក់ចេញមកពីក្រោយបុរសនោះទៀត ទើបធ្វើឱ្យខាងក្រុមអ្នកពន្លត់អគ្គិភ័យ រួមទាំងអ្នកជិតខាងទាំងអស់យល់ច្បាស់ការថា តាមពិតរឿងកើតឡើងទាំងប៉ុន្មានគឺជាការយល់ច្រឡំរបស់ពួកគេនោះឡើយ ដែលធ្វើឱ្យម្នាក់ៗមើលមុខគ្នាដោយហួសចិត្ត៕
ប្រភព៖ 9GAG
