ទៀតហើយ! យន្តហោះឯកជនតារាចម្រៀងអាមេរិកម្នាក់ ចុះចតធ្លាក់ផ្លូវទៅបុ.កយន្តហោះមួយគ្រឿងទៀត បណ្ដាលឱ្យស្លា-/ប់ម្នាក់ របួស ៣ នាក់

យន្តហោះឯកជនមួយគ្រឿងរបស់លោក Vince Neil សមាជិកក្រុម Motley Crue បានជួបគ្រោះថ្នាក់ចុះចតធ្លាក់ផ្លូវនៅព្រលានយន្តហោះ Scottsdale នារដ្ឋ Arizona សហរដ្ឋអាមេរិក រួមជ្រុលទៅបុកជាមួយយន្តហោះចតចោលមួយគ្រឿងទៀត បណ្ដាលឱ្យមនុស្សម្នាក់បានស្លាប់ ខណៈ ៣ នាក់ផ្សេងទៀតបានរងរបួស។

តាមអ្នកនាំពាក្យរបស់លោក Neil ម្នាក់ថ្លែងប្រាប់សារព័ត៌មាន AZFamily បានឱ្យដឹងថា៖ «លោក Neil គឺមិនបាននៅលើយន្តហោះពេលជួបគ្រោះថ្នាក់នៅព្រលានយន្តហោះ Scottsdale នោះឡើយ បើទោះជាយន្តហោះនោះជារបស់លោកពិតមែន»។

តាមការរៀបរាប់លម្អិតពីហេតុការណ៍បានឱ្យដឹងថា នៅវេលាម៉ោងប្រមាណ ២ និង ២៩ នាទីថ្ងៃ (ពេលវេលាក្នុងតំបន់) យន្តហោះ Learjet មួយគ្រឿងម៉ូដែល 35A ដែលជាយន្តហោះឯកជនរបស់លោក Vince Neil បានកំពុងធ្វើការចុះចតនៅព្រលានយន្តហោះ Scottsdale។ យ៉ាងណាមិញ មិនដឹងថាមកពីមូលហេតុអ្វី ពេលនោះយន្តហោះក៏បានធ្លាក់ចេញពីផ្លូវរត់បណ្ដាលឱ្យវាទៅបុកនឹងយន្តហោះចតចោលមួយគ្រឿងទៀត។ នៅលើយន្តហោះនោះមានពីឡុត ២ នាក់ និង អ្នកដំណើរ ២ នាក់ ហើយលោក Neil ដែលជាម្ចាស់យន្តហោះគឺមិនបានស្ថិតក្នុងហេតុការណ៍ពេលនោះទេ។ ចំពោះព័ត៌មានលម្អិតបន្ថែមគឺនៅមិនទាន់អាចបញ្ជាក់បានឡើយ ខណៈការស៊ើបអង្កេតនៅធ្វើឡើងបន្ត៕

ប្រភព៖ Dailymail