កាលពីថ្ងៃទី ១៦ ខែឧសភា ឆ្នាំ ២០២៥ កន្លងទៅ សារព័ត៌មាន Page Six បានចេញផ្សាយថា តារាចម្រៀង Justin Bieber បានចេញមកឆ្លើយតបតាមរយៈអ្នកតំណាងផ្លូវការរបស់លោក ជុំវិញចចាមអារ៉ាមជាច្រើនពាក់ព័ន្ធនឹងទំនាក់ទំនងរបស់លោកជាមួយតារារ៉េប Diddy។
ខណៈបច្ចុប្បន្ន Diddy កំពុងជាប់ឃុំឃាំង អ្នកតំណាងរបស់តារាចម្រៀង Justin Bieber បានចេញមកបញ្ជាក់ថា Justin គឺមិនមែនជាជនរងគ្រោះរបស់ Diddy ឡើយ។ អ្នកតំណាងរូបនោះបានបន្តថា Justin គឺមានអារម្មណ៍មិនស្រណុកខ្លាំងក្រោយ Diddy ត្រូវបានចាប់ខ្លួន ហើយក៏មិនដឹងនិយាយអ្វីទៅកាន់សារព័ត៌មានក៏ព្រោះតែពួកគេទាំងពីរជិតស្និទ្ធគ្នាខ្លាំង ហើយ Diddy ក៏ជាអ្នកជួយជ្រោមជ្រែង Justin ឱ្យទទួលបានភាពជោគជ័យលើអាជីពមួយនេះដែរ។ យ៉ាងណាមិញ ទើបតែពេលនេះទេ Justin ព្រមចេញមកបកស្រាយគ្រប់យ៉ាង។
តាមការរៀបរាប់របស់អ្នកតំណាងឱ្យ Justin Bieber ប្រាប់សារព័ត៌មាន TMZ បាននិយាយថា៖ <<Justin Bieber គឺមិនមែនជាជនរងគ្រោះរបស់ Diddy នោះឡើយ។ លោកមិនដែលធ្លាប់ត្រូវបៀតបៀនផ្លូវភេទដោយ Diddy ដូចដែលចចាមអារ៉ាមផ្សាយតាមបណ្ដាញសង្គមទេ។ យ៉ាងណាមិញ ក៏នៅមានជនរងគ្រោះច្រើនដែលត្រូវបំពានដោយ Diddy ក្នុងករណីនេះ។ ការបង្វែងការចាប់អារម្មណ៍របស់សាធារណជនឱ្យងាកចេញពីជនរងគ្រោះពិតប្រាកដគឺអាចរារាំងពួកគេពីការទទួលបានយុត្តិធម៌ត្រឹមត្រូវ ដូច្នេះ សូមអ្នកទាំងអស់គ្នាគួរប្រយ័ត្នបន្តិច។ ជុំវិញវីដេអូមួយចំនួនដែលថតជាប់ Diddy និង Justin Bieber ដើរលេងជាមួយគ្នា សកម្មភាពរបស់ពួកគេទាំងពីរគឺគ្រាន់តែជាការសម្ដែងប៉ុណ្ណោះ។ ការពិតទៅ Justin គឺស្និទ្ធជាមួយកូនប្រុស Diddy ជាង Diddy ដែលជាមេកើយទៅទៀត>>៕
ប្រភព៖ Kenh14
