ព្រឹកមិញ! អគ្គិភ័យឆាបឆេះអាផាតមិនកម្ពស់ ២១ ជាន់នៅសេអ៊ូល ប្រទេសកូរ៉េខាងត្បូង ស្លា./ប់របួសមនុស្ស ១៤ នាក់

នៅព្រឹកថ្ងៃទី ២១ ខែមេសា ឆ្នាំ ២០២៥ នេះ (ពេលវេលាក្នុងតំបន់) មានអគ្គិភ័យដ៏សន្ធោសន្ធៅមួយបានឆាបឆេះអគារអាផាតមិនដ៏ខ្ពស់មួយនៅតំបន់ Bongcheon-dong សង្កាត់ Gwanak ក្រុងសេអ៊ូល ប្រទេសកូរ៉េខាងត្បូង បណ្ដាលឱ្យមានមនុស្សម្នាក់ស្លាប់ និង ១៣ នាក់ផ្សេងទៀតរងរបួស។ ប៉ូលិសដាក់ការសង្ស័យថា ហេតុការណ៍អគ្គិភ័យនេះដែរជាទង្វើមនុស្សដុតដោយជនសង្ស័យត្រូវបានកំណត់អត្តសញ្ញាណបាន ហើយក៏ជាជនរងគ្រោះដែលស្លាប់ក្នុងហេតុការណ៍នេះផងដែរ។

តាមការបញ្ជាក់ពីទីភ្នាក់ងារប៉ូលិសក្រុងសេអ៊ូល ជនសង្ស័យត្រូវបានគេកំណត់ឈ្មោះថាលោក A មានអាយុខ្ទង់ ៦០ ឆ្នាំ។ ជនសង្ស័យរូបនោះបានប្រើឧបករណ៍ម្យ៉ាងដែលគេជឿថាជាស្ព្រៃយ៍សម្លាប់សត្វល្អិត បាញ់បង្កើតជាអណ្ដាតភ្លើងដុតនៅជាន់ទី ៤ នៃអគារអាផាតមិនកម្ពស់ ២១ ជាន់នោះនាវេលាម៉ោង ៨ និង ១៧ នាទីព្រឹក។ តាមកាមេរ៉ាសុវត្ថិភាព និង សាក្សីនៅកន្លែងកើតហេតុបានបង្ហាញឱ្យឃើញថាលោក A មានពាក់មួកពណ៌ស មុខពាក់ម៉ាស់ ដាក់កាដុងមានវត្ថុរាវជាមួយនឹងស្ព្រៃយ៍រួចដុតឱ្យឆេះតែម្ដង។

ជនសង្ស័យ

អគ្គិភ័យឆាបឆេះលឿនមែនទែនចេញពីបន្ទប់លេខ ៤០១ និង ៤០៤ រួចបន្តរាលដាលទៅជាន់ទី ៥។ ខាងក្រុមពន្លត់អគ្គិភ័យត្រូវបានទាក់ទង និង ចុះអន្តរាគមន៍ភ្លាមៗនៅម៉ោង ៨ និង ៣០ នាទី ដោយបញ្ជូនបុគ្គលិកសរុបចំនួន ១៥៣ នាក់ រថយន្តពន្លត់ចំនួន ៤៥ គ្រឿង។ ភ្លើងត្រូវគ្រប់គ្រងបាន និង រលត់ទាំងស្រុងនៅវេលាម៉ោង ៩ និង ៥៤ នាទី៕