ថ្មីៗនេះ សារព័ត៌មានកូរ៉េ Koreaboo បានចេញផ្សាយថា ក្រុមហ៊ុនមួយផ្សេងទៀតហើយបានដាក់ពាក្យប្ដឹងតារាសម្ដែង Kim Soo Hyun និង ភ្នាក់ងាររបស់លោក GOLD MEDALIST ទាមទារថ្លៃសំណងខូចខាតចំនួន ២.៨០ ពាន់លានវ៉ុន (ប្រមាណ ១.៩៥ លានដុល្លារ។
ការរងពាក្យបណ្ដឹងពីក្រុមហ៊ុនថ្មីមួយនេះដែរបានធ្វើឡើងក្រោយក្រុមហ៊ុនចំនួន ២ ដែលបានចុះកុងត្រាយក Kim Soo Hyun ធ្វើជាម៉ូដែលផ្សព្វផ្សាយពាណិជ្ជកម្ម បានដាក់ប្ដឹងទារសំណងពីតារាប្រុសរូបនេះ សរុបចំនួន ៣០.០ ពាន់លានវ៉ុន (ប្រមាណ ២០.៩ លានដុល្លារ)។
គួរឱ្យដឹងថា មកទល់ពេលនេះ Kim Soo Hyun បានបន្តរងពាក្យបណ្ដឹងពីបណ្ដាក្រុមហ៊ុនដែលធ្លាប់សហការបន្តកន្ទុយគ្នា ក្រោយរឿងអាស្រូវដ៏ក្ដៅគគុករវាងលោក និង អតីតតារាសម្ដែងស្រី Kim Sae Ron ទទួលរងនូវមតិអវិជ្ជមានខ្លាំងក្លាពីសាធារណជន៕
