ប្រិយមិត្តធ្លាប់តែដឹងច្បាស់ថា បើចង់ទិញដីមួយប្លង់ពីរប្លង់ ឬ ទិញផ្ទះ ១ ខ្នង ២ ខ្នង គឺតម្លៃជាមធ្យមប៉ុណ្ណេះប៉ុណ្ណោះ ប៉ុន្តែប្រិយមិត្តធ្លាប់ឆ្ងល់ទេ ប្រសិនបើលែងចង់នៅភពផែនដីយើង ហើយភពដទៃអាចត្រូវដាក់លក់លើទីផ្សារបាន តើនឹងលក់បានក្នុងតម្លៃប៉ុណ្ណាទៅ?
តាមវិបសាយ Treehugger បានចេញផ្សាយពីតម្លៃនៃភពមួយចំនួនលើប្រព័ន្ធព្រះអាទិត្យដោយក្នុងនោះរួមមានទាំងភពផែនដីរបស់យើងផងដែរ។ តាមវិបសាយដដែលបានឱ្យដឹងថា ភពផែនដីគឺមានតម្លៃរហូតដល់ ៥ ០០០ ០០០ ០០០ ០០០ ០០០ ដុល្លារ ដែលធ្វើឱ្យភពរបស់យើងជាភពមួយដែលមានតម្លៃថ្លៃជាងគេបំផុតក្នុងចំណោមបណ្ដាភពដទៃនៅក្នុងប្រព័ន្ធព្រះអាទិត្យ។
ភពផែនដី
ការគណនាតម្លៃនៃភពផែនដីនេះ គឺកើតមានឡើងក្រោយជំនួយការសាស្ត្រាចារ្យនៃផ្នែកតារាសាស្ត្រមកពីមហាវិទ្យាល័យ California លោក Grag Laughlin បានធ្វើការគិតគូរតាមរូបមន្តដើម្បីកំណត់តម្លៃនៃភពផែនដី។ ការគណនាលេខនេះដែរ គឺរៀងប្រាសចាកពីវិទ្យាសាស្ត្របន្តិចប៉ុន្តែវាទទួលយកបានតាមកត្តាមួយចំនួនរួមមាន ទំហំ ម៉ាស់ សីតុណ្ហភាព អាយុកាល និង អង្គធាតុផ្សេងៗទៀត ដែលទាក់ទងគ្នាទៅនឹងសមត្ថភាពរបស់វាក្នុងការទ្រទ្រង់ជីវិត។
ភពអង្គារ
ក្នុងនោះដែរ លោក Laughlin ក៏បានធ្វើការប៉ាន់ប្រមាណតម្លៃនៃភពអង្គារផងដែរ ដែលមានតម្លៃ ១៦ ០០០ ដុល្លារ ថ្លៃមិនដល់រថយន្តទំនើបខ្លះមួយគ្រឿងផង ខណៈឯភពសុក្រវិញគឺមានតម្លៃត្រឹម ១ សេនប៉ុណ្ណោះ៕
ភពសុក្រ
