Influencer និង ជាសហគ្រិនល្បីម្នាក់នៅម៉ាឡេស៊ី ឈ្មោះ Anes Ayunie Osman បានធ្វើឱ្យមហាជនជាច្រើនផ្ទុះការចាប់អារម្មណ៍លើរូបនាងជាខ្លាំង ក្រោយវីដេអូមួយរបស់នាងកាន់លុយសុទ្ធទាំងដុំៗទៅទិញមាសចំនួន ១៥ គីឡូ បង្ហោះចែកចាយពាសពេញបណ្ដាញសង្គម។
ក្នុងវីដេអូដែលកំពុងផ្ទុះផ្អើល និង វែកញែកខ្លាំងនោះដែរ Influencer ស្រី Ayunie កំពុងតែបើកវ៉ាលិសទាញយកលុយចេញមកទាំងដុំៗ ដើម្បីយកមកទិញមាសទុក ព្រោះតែក្ដីបារម្ភរឿងមាសឡើងថ្លៃនៅពេលខាងមុខ។ នាងបានរៀបរាប់ថា ៖ «ខ្ញុំចង់ទិញមាស ១៥ គីឡូទុក ព្រោះខ្ញុំខ្លាចមាសនឹងនៅបន្តឡើងថ្លៃចាប់ពីថ្ងៃនេះទៅ ដូច្នេះក៏សម្រេចទិញ ១៥ គីឡូទុកតែម្ដង»។
យ៉ាងណាមិញ វីដេអូនៃការទិញមាសរបស់នាងទទួលបានការវែកញែកខ្លាំងពីសំណាក់អ្នកលេងតាមបណ្ដាញសង្គម ដោយអ្នកខ្លះបានរិះគន់នាងថាធ្វើបែបនេះដើម្បីអួតគេ ខណៈខ្លះទៀតកោតសរសើរនាងថាឆ្លាតក្នុងការទិញមាសទុកបែបនេះ៕
