កាលពីថ្ងៃទី ០៤ ខែកក្កដា ឆ្នាំ ២០២៥ កន្លងទៅ ឧស្សាហកម្មកម្សាន្តនៅហុងកុង បានសម្ដែងការកាន់ទុក្ខចំពោះការបាត់បង់សិល្បករជើងចាស់ លោកយាយ Suet Nay ដែលបានទទួលមរណភាពក្នុងវ័យ ៧៧ ឆ្នាំ។
ដំណឹងមរណភាពរបស់លោកយាយ ត្រូវបានប្រកាសដោយក្រុមគ្រួសារ ហើយអ្វីដែលធ្វើឱ្យមហាជនកាន់តែខ្លោចចិត្តនោះគឺលោកយាយបានលាចាកលោកទៅត្រឹម ២ សប្ដាហ៍ក្រោយស្វាមីលោកយាយ Tong Gai លោតចុះពីលើអគារធ្វើអត្តឃាតក្នុងវ័យ ៨៨ ឆ្នាំ កាលពីថ្ងៃទី ២៣ ខែមិថុនា ឆ្នាំ ២០២៥ កន្លងទៅ។
គួរឱ្យដឹងថា លោកយាយ Suet Nay បានទទួលមរណភាពដោយជំងឺមហារីកលំពែង កាលពីថ្ងៃទី ០៣ ខែកក្កដា ឆ្នាំ ២០២៥ នៅក្នុងមន្ទីរពេទ្យ។ ក្នុងរយៈពេលប៉ុន្មានឆ្នាំមកនេះ លោកយាយបានតស៊ូព្យាបាលជំងឺមួយនេះ ហើយបើទោះជាស្ថានភាពជំងឺមិនថមថយក៏ដោយ តែលោកយាយនៅរក្សាភាពរឹងមាំ និង វិជ្ជមានជានិច្ច ហើយជាញឹកញាប់ក៏តែងចំណាយពេលយ៉ាងរីករាយជាមួយស្វាមី ក្រុមគ្រួសារ និង មិត្តភក្តិរហូតដល់ថ្ងៃលោកយាយចូលនិវត្តន៍ពីវិស័យសិល្បៈក្នុងឆ្នាំ ២០២០៕
ប្រភព៖ Dimsumdaily
