កាលពីថ្ងៃទី ០៧ ខែសីហា ឆ្នាំ ២០២០៥ សារព័ត៌មាន Page Six បានចេញផ្សាយដំណឹងដ៏តក់ស្លុតមួយដោយបេក្ខភាពកម្មវិធី MasterChef ប្រទេសម៉ិកស៊ិកម្នាក់ឈ្មោះ Yanin Campos បានទទួលមរណភាពក្នុងវ័យ ៣៨ ឆ្នាំ ដោយសារគ្រោះថ្នាក់ចរាចរណ៍។
តាមរបាយការណ៍បានឱ្យដឹងថា នៅថ្ងៃទី ០២ ខែសីហា ឆ្នាំ ២០២៥ កន្លងទៅ រូបនាងបានធ្វើដំណើរនៅស្រុកកំណើតនាក្រុង Chihuahua ហើយខណៈកំពុងបើកបរនោះ ឡានរបស់នាងស្រាប់តែគ្រប់គ្រងលែងបានរួចក៏ទៅបុកជាមួយឡានគេចតចោល។ ភ្លាមៗ បេក្ខភាពកម្មវិធី MasterChef រូបនេះ ត្រូវបានបញ្ជូនទៅសង្គ្រោះនៅមន្ទីរពេទ្យជាបន្ទាន់ ប៉ុន្តែជាអកុសលដោយសារតែរបួសរបស់នាងធ្ងន់ធ្ងរពេក នាងក៏បានបាត់បង់ជីវិតទៅនៅថ្ងៃទី ០៤ ខែសីហា ឆ្នាំ ២០២៥។
គួររំឭកថា នាង Yanin Campos បានទទួលភាពល្បីល្បាញក្រោយរូបនាងចូលរួមប្រកួតក្នុងកម្មវិធី MasterChef ប្រទេសម៉ិកស៊ិក ឆ្នាំ ២០១៨ ដោយរូបនាងជាប់ក្នុងកំពូល ៦ នាក់ចុងក្រោយ។ មកដល់ឆ្នាំ ២០១៩ នាងក៏បានចូលរួមប្រកួតក្នុងរដូវកាលពិសេសនៃ MasterChef: La Revancha ប្រជែងគ្នាជាមួយនឹងអតីតបេក្ខភាពមុនៗមួយចំនួន។ បន្ថែមពីចំណូលចិត្តនៃការចម្អិនម្ហូប Yanin Campos ក៏តែងតែចែករំលែកពីជីវិតប្រចាំថ្ងៃរបស់នាងលើបណ្ដាញសង្គម TikTok ផងដែរ៕
