នៅព្រឹកថ្ងៃទី ២៩ ខែកក្កដា ឆ្នាំ ២០២៥ នេះ ក្រសួងព័ត៌មានបានចេញសេចក្ដីណែនាំស្ដីពីការប្រើប្រាស់ និង ផ្សព្វផ្សាយព័ត៌មានលើបណ្ដាញទំនាក់ទំនងសង្គម ដោយមួយរយៈចុងក្រោយនេះ ក្រសួងកត់សម្គាល់ឃើញពីកំណើននៃការប្រើប្រាស់ពាក្យពេចន៍ ការបង្កើត និង ការកាត់តរូបភាព វីដេអូ ខ្លឹមសារ និងការបញ្ចេញមតិមិនសមរម្យលើបណ្ដាញសង្គម ដែលបង្កការប្រមាថប៉ះពាល់ដល់កិត្តិយសសេចក្ដីថ្លៃថ្នូរជាលក្ខណៈបុគ្គល ឬថ្នាក់ដឹកនាំ និង អង្គព្រះមហាក្សត្រ។
ក្នុងនោះ ក្រសួងក៏សូមណែនាំឱ្យអ្នកផលិតមាតិកា ក៏ដូចជាសាធារណជនលេងតាមបណ្ដាញសង្គមទាំងអស់ បញ្ឈប់ជាបន្ទាន់នូវការកាត់តរូបភាព ការប្រមាថ បង្កើតព័ត៌មានញុះញង់ទាំងឡាយ បញ្ឆេះកំហឹង ឬរើសអើងពូជសាសន៍ និង បញ្ចេញមតិប្រកបដោយសុជីវធម៌ ការទទួលខុសត្រូវ និង គោរពក្រមសីលធម៌ ទោះបីជាស្ថិតក្នុងកាលៈទេសៈនៃជម្លោះជាមួយប្រទេសនោះក៏ដោយ៕
សូមអានព័ត៌មានលម្អិតខាងក្រោមនេះ៖
