តាម survey មួយពីវិបសាយ Mic បានបង្ហាញថា ២៩% នៃគូស្នេហ៍គឺរង់ចាំចន្លោះពី ២ ទៅ ៦ ខែក្នុងទំនាក់ទំនងទម្រាំបើកចិត្តលែងខ្មាសអៀនហ៊ានផោមដាក់គ្នា ដែលពេលវេលានេះស្មើទៅពេលដែលពួកគេរង់ចាំសារភាពប្រាប់គ្នាថា «I Love You»។ យ៉ាងណាមិញ ក៏មានអ្នកជំនាញលើកឡើងដែរថា ការដែលបើកចិត្តហ៊ានផោមដាក់គ្នានេះដែរគឺជាសញ្ញាដ៏ល្អមួយសម្រាប់ទំនាក់ទំនងគូស្នេហ៍។
ជាក់ស្ដែង តាមការបញ្ជាក់ពីអ្នកជំនាញផ្នែកទំនាក់ទំនង Michael Sartain ថ្លែងប្រាប់ Scary Mommy ថា៖ «ការផោមដាក់គ្នាគឺជាសញ្ញាដ៏ល្អមួយ។ វាបង្ហាញថាយើងបើកចិត្តសម្រាប់ទំនាក់ទំនងនេះ និង មិនចាំបាច់ត្រូវការលាក់ពីខ្លួនឯង»។ អ្នកជំនាញដដែលបានបន្តទៀតថា៖ «នៅពេលដែលយើងអាចលេងសើចពីរឿងតូចតាចទាំងនោះបាន វាគឺជាសញ្ញាមួយដែលយើងមានសុវត្ថិភាពគ្រប់គ្រាន់ក្នុងការបង្ហាញធាតុពិតជាមួយគ្នា។ យើងមិនចាំបាច់ត្រូវទប់ ឬសម្ដែងជាខ្មាសអៀន ហើយភាពស្មោះត្រង់បែបនេះគឺកម្រណាស់ ហើយវាក៏ជាគ្រឹះដ៏ល្អបំផុតសម្រាប់ទំនាក់ទំនងដ៏ល្អមួយផងដែរ»។
លោក Michael Sartain តែងតែជឿជាក់ថា ភាពជោគជ័យក្នុងទំនាក់ទំនងមួយគួរតែរួមបញ្ចូលនៃកត្តាតូចៗទាំងនេះ ដូចជាមានអារម្មណ៍ធម្មតាពេលចូលបន្ទប់ទឹកជាមួយគ្នាជាដើម។ លោកបាននិយាយថា៖ «មិនមែនមានន័យថាយើងមិនខ្វល់ពីដៃគូរបស់យើងនោះទេ ប៉ុន្តែយើងគឺមានអារម្មណ៍ធម្មតាជាមួយគ្នារហូតយើងលែងខ្វាយខ្វល់ពីរឿងតូចៗដែលគួរឱ្យខ្មាសអៀនទាំងនោះ»។
សម្រាប់អ្នកខ្លះ ការផោមនៅមុខគ្នាបែបនេះគឺជារឿងមិនគួរធ្វើ ជាពិសេសស្រីៗដោយសារតែសម្ពាធសង្គម ប៉ុន្តែលោក Michael Sartain
មិនគិតបែបនោះឡើយ។ លោកបានបន្តថា៖ «ប្រសិនបើយើងចំណាយពេលជាមួយគ្នា គេងលើគ្រែជាមួយគ្នា និង មានសម្ព័ន្ធភាពស្និទ្ធស្នាលជាមួយគ្នា នោះការផោមគួរតែមិនមែនជាបញ្ហាអ្វីត្រូវគិតគូរនោះឡើយ។ ប្រសិនបើគិតពីរឿងនេះមែន នោះបញ្ហាអាចមកពីការមិនមានភាពទាក់ទាញឱ្យគ្នា»៕
