វីដេអូមួយនៃកូនក្រមុំម៉ូស្លីមម្នាក់ក្នុងថ្ងៃមង្គលការនៅខេត្ត Gansu ប្រទេសចិន កំពុងទាក់ទាញក្រសែភ្នែកអ្នកលេងបណ្ដាញសង្គមជាច្រើនក្នុងប្រទេស ក៏ព្រោះតែរូបសម្រស់របស់នាងស្រស់ស្អាតខ្លាំងដូចគំនូរ រហូតអ្នកខ្លះសង្ស័យថាមិនមែនសម្រស់ពិតតែជាការធ្វើឡើងដោយ AI។
ពិធីមង្គលការនោះដែរ បានរៀបចំធ្វើឡើងកាលពីថ្ងៃទី ២៦ ខែមេសា ឆ្នាំ ២០២៥ កន្លងទៅ ដោយកូនក្រមុំមានឈ្មោះ Ma Xiaoqing អាយុ ២៥ ឆ្នាំ ស្លៀកសម្លៀកបំពាក់ប្រពៃណីម៉ូស្លីម។ រូបសម្រស់របស់នាងគឺស្រស់ស្អាតខ្លាំងមែនទែនសឹងរកកន្លែងទាស់គ្មាន ស្បែកមុខរលោង ទម្រង់មុខសមដូចគេគូរ ខ្ទង់ច្រមុះខ្ពស់ស្អាត ស័ក្តិសមនឹងភ្នែកមូលក្រឡង់ល្អ។
វីដេអូនៃពិធីមង្គលការរបស់នាងបានធ្វើឱ្យមហាជនជាច្រើនផ្ទុះការវែកញែកយ៉ាងក្ដៅគគុកលើបណ្ដាញសង្គម រហូតអ្នកខ្លះទាមទារឱ្យកូនក្រមុំធ្វើការឡាយវីដេអូលុប makeup ចេញដើម្បីបញ្ជាក់ពីរូបសម្រស់ពិតទៀតផង។
យ៉ាងណាមិញ ជាការឆ្លើយតបនឹងការសង្ស័យថាកូនក្រមុំប្រើកម្មវិធី AI កែរូបសម្រស់ សាច់ញាតិខាងកូនក្រមុំម្នាក់ក៏បានចេញមកបញ្ជាក់ច្បាស់ៗថា ក្រុមគ្រួសាររបស់លោកគឺជាម៉ូស្លីមតជំនាន់មកហើយ ដែលហាមប្រាមមិនឱ្យមានការកែសម្ផស្ស ឬ ផាត់មុខខ្លាំងក្លានោះឡើយ។ បន្ថែមពីនេះ លោកក៏បានទម្លាយរូបភាពរបស់ Xiaoqing កាលបញ្ចប់ថ្នាក់វិទ្យាល័យ បង្ហាញពីមុខមាត់របស់នាងពេលមិនផាត់មុខ ក៏ដូចជារូបរបស់ម្ដាយ ម្ដាយមីង និង លោកយាយ របស់នាងផងដែរ៕
