ជាការពិតណាស់ បទចម្រៀងកុមារដែលមានចំណងជើងថា «Baby Shark Dance» ត្រូវបានបង្ហោះលើ Youtube កាលពីខែមិថុនា ឆ្នាំ ២០១៦ កន្លងទៅ និង បានក្លាយទៅជាវីដេអូបទចម្រៀងកុមារដ៏ពេញនិយមខ្លាំងបំផុតមួយរហូតមានអ្នកចូលទស្សនាដល់ទៅជាង ១៤ ពាននាក់ដង គិតមកដល់ពេលបច្ចុប្បន្ននេះ។
វីដេអូនោះដែរ ផលិតដោយ Pinkfong ដែលជាសាខាផ្នែកអប់រំមួយក្រោមក្រុមហ៊ុនកូរ៉េខាងត្បូង SmartStudy ដោយបទចម្រៀងនេះច្រៀងដោយតារាចម្រៀងកូនកាត់កូរ៉េ-អាមេរិក វ័យ ១០ ឆ្នាំ ឈ្មោះ Hope Segoine និង សម្ដែងដោយតារាវ័យក្មេង ២ រូបគឺ តារាសម្ដែងប្រុស Park Geon Roung និង តារាសម្ដែងស្រី Elaine Kim Johnston។
យ៉ាងណាមិញ រំលងអស់ពេល ៩ ឆ្នាំមកនេះ តារាសម្ដែងប្រុសក្នុងបទចម្រៀងខាងលើ Park Geon Roung បានចម្រើនវ័យ ១៥ ឆ្នាំហើយ ឯរូបសម្បត្តិក៏កាន់តែប្លែកមួយកម្រិតទៀត ប្រែជាពេញរូបពេញរាង មុខមាត់រាយមន្តស្នេហ៍ ស្រស់សង្ហាទាក់ភ្នែកមហាជនមិនឱ្យមិនសរសើរមិនបាន៕
