(វីដេអូ) សឿ សុធារ៉ា ស្រឡាំងកាំងពេល ម៉ូលីកា មកសំពះសុំទោសដល់វត្ត ហើយជូនលុយ ២៥ ម៉ឺនរៀល ទឹកត្រចៀកកាំ ១ ឡូត៍

កាលពីថ្ងៃទី ២៣ ខែវិច្ឆិកា ឆ្នាំ ២០២២ កន្លងទៅនេះ មានការភ្ញាក់ផ្អើលជាខ្លាំង បន្ទាប់ពីមានមហាជនជាច្រើនបានទម្លាយវីដេអូខ្លីមួយ កាត់ចេញពីការ Live ផ្ទាល់ពាក់ព័ន្ធនឹងមេតុងទីនល្បីម្នាក់ឈ្មោះ ម៉ូលីកា បាននិយាយពេញៗមាត់ ថាតារាសម្ដែង សឿ សុធារ៉ា ឆ្កួត។

ក្រោយការនិយាយចេញពីការ Live របស់អ្នកលក់ឡេ និង ជាមេតុងទីនបែបនេះមិនបានប៉ុន្មានផង ក៏កើតមានការរិះគន់ពេញបណ្ដាញសង្គមពីសំណាក់មហាជនជាច្រើន រហូតធ្វើឱ្យមេតុងទីនអានឡាញដ៏ល្បីឈ្មោះ ម៉ូលីកា បានចេញមុខសុំទោសមហាជនភ្លាមៗចំពោះទង្វើ និង ពាក្យសម្តីដែលខ្លួនបានថាឱ្យអ្នកនាង សឿ សុធារ៉ា ទាំងការបង្ហោះលើហ្វេសប៊ុក និង ការទៅក្រាបសំពះសុំទោស សឿ សុធារ៉ា ដល់វត្តដែលនាងកំពុងស្នាក់នៅ ជាមួយការសម្រក់ទឹកភ្នែកនិយាយទាំងអួលដើម-កពីកំហុសអចេតនារបស់ខ្លួន។

ក្រឡេកទៅមើល អ្នកនាង សឿ សុធារ៉ា ឯនោះវិញ ក្រោយអ្នកលក់ឡេ និង ជាមេតុងទីនល្បីឈ្មោះ ម៉ូលីកា ទៅក្រាបសុំទោសដល់វត្តហើយនោះ ខ្លួនហាក់ស្រឡាំងកាំងយ៉ាងខ្លាំង ដោយបន្ទាប់ពីមានការសុំទោសនោះរួច ស្រាប់តែអ្នកនាងក៏បានបង្ហោះរូបភាពជាមួយសាររៀបរាប់ថា ៖ «បងប្អូនអើយ នាងខ្ញុំមិនដឹងថាពួកគាត់មកដល់វត្តភ្លាមៗអ៊ីចឹងទេ! គាត់មកដល់ភ្លាមថតភ្លាម គាត់ជូនលុយខ្ញុំ ២៥ ម៉ឺនរៀលខ្មែរ និង ទឹកត្រចៀកកាំ ១ ឡូត៍។ ឱព្រះជាម្ចាស់អើយ!»។

យ៉ាងណាមិញ តាមរយៈសកម្មភាព និង ទង្វើរបស់មេតុងទីនល្បីឈ្មោះ ម៉ូលីកា ដែលបានមកសំពះសុំទោស សឿ សុធារ៉ា ដល់វត្តនេះ បានធ្វើឱ្យមហាជនមួយចំនួនធំមើលឃើញថា មេតុងទីនល្បីឈ្មោះរូបនេះ ហាក់ដូចជាសម្តែងដើម្បីធ្វើឱ្យមហាជនស្ងប់ចិត្តនឹងកំហុសរបស់នាងប៉ុណ្ណោះ៕