អីយ៉ាស់! ស្ងាត់ៗ Sooyoung នាំសង្សារណាត់ជួបគ្នា ជាមួយនឹងគូស្នេហ៍ Choi-Park

បន្ទាប់ពីគូស្នេហ៍របស់សមាជិកក្រុមតារាចម្រៀងនារី Girls’ Generation Sooyoung ជាមួយនឹងតារាសម្ដែង Jung Kyung Ho បានទាក់ទងគ្នាបើកចំហចាប់តាំងពីខែមករា ឆ្នាំ ២០១៣ មក មហាជន ជាពិសេសអ្នកគាំទ្រ តែងតែឃើញគូគេទាំងពីរនេះដើរលេងជាមួយគ្នា និង ណាត់ជួបគ្នាជារឿយៗ។

តួយ៉ាង កាលពីរាត្រីថ្ងៃទី ២២ ខែវិចិ្ឆកា ឆ្នាំ២០២២ កន្លងទៅអ្នកនិយមលេងបណ្ដាញសង្គមមួយបានប្រទះឃើញតារាស្រី Sooyoung ជាមួយនឹងគូស្នេហ៍គឺលោក Jung Kyung Ho នៅក្នុងភោជនីយដ្ឋានមួយសម្រាប់អាហារពេលល្ងាច។

ប៉ុន្តែអ្វីដែលធ្វើឱ្យកាន់តែភ្ញាក់ផ្អើលទៅទៀតនោះ គឺពួកគេមិនមែនទៅត្រឹមតែ ២ នាក់ប៉ុណ្ណោះនោះទេ ក្នុងនោះគឺមានទាំងវត្តមានដែលគេស្គាល់ថាជាគូស្វាមី ភរិយាដែលទើបតែរៀបអាពាហ៍ពិពាហ៍កាលពីដើមឆ្នាំ ២០២២ នេះគឺតារាសម្ដែងប្រុស Choi Tae Joon និង តារាសម្ដែងស្រី Park Shin Hye។

ដោយនៅក្នុងរូបថតមួយនោះ គេសង្កេតឃើញថាលោក Jung Kyung Ho បានសម្លឹងមើលមកកាមេរ៉ាដែលកំពុង​ថតពួកគេ ខណៈឯ Soohyung កំពុងតែផ្ចង់ស្ដាប់គូស្នេហ៍មួយគូទៀតដែលកំពុងនិយាយ។

យ៉ាងណាមិញ បន្ទាប់ពីរូបមួយនេះបានចែកចាយពេសពេញបណ្ដាញសង្គមអ៊ិនធើណេតមក អ្នកគាំទ្រជាច្រើនបានចែករំលែក និងបញ្ចេញមតិស្រដៀងៗគ្នាព្រាតថាទំនងជាគូស្នេហ៍មួយនេះកំពុងតែមានគម្រោងការ ឬ មានដំណឹងល្អឆាប់ៗនេះហើយ៕