ពេលនេះ សព Tangmo ត្រូវពន្យារពេលបូជាហើយ ព្រោះមូលហេតុសំខាន់ទាំងនេះ

មកទល់ពេលនេះ ជាងកន្លះខែទៅហើយ ដែលតារាស្រី Tangmo បានឃ្លាតឆ្ងាយពីក្រុមគ្រួសារ មិត្តៗជាទីស្រឡាញ់នោះ។ ជាក់ស្តែង ពិធីបុណ្យសពរបស់នាងក៏ទើបតែបញ្ចប់ទាំងបន្សល់ទុកនូវភាពសោកសៅរាប់មិនអស់ដល់មហាជន គ្រួសារ មិត្តៗឱ្យនៅស្តាយស្រណោះ ចំពោះការចាកចេញមួយនេះ។

អ្វីដែលកាន់តែធ្វើឱ្យមហាជនស្ទើរតែនឹកស្មានពុំដល់នោះ ខណៈឃើញម្តាយរបស់ Tangmo បានប្រកាសនៅក្នុងកម្មវិធីថា លោកស្រីនឹងពន្យារពេលបូជាសពកូនស្រី ដើម្បីយកទៅធ្វើការស៊ើបអង្កេត ក៏ដូចជាកោសល្យវិច្ច័យជាលើកទី ២។

ក្នុងនោះដែរ លោកស្រី និង ក្រុមមេធាវី ក៏កំពុងតែស្វះស្វែងជាខ្លាំង ចំពោះរឿងក្តីមួយនេះ ហើយកន្លែងដែលត្រូវយកសព Tangmo ទៅកោសល្យវិច្ច័យជាលើកទី ២ នោះគឺជា ស្ថាប័នកោសល្យវិច្ច័យ ក្រសួងយុត្តិធម៌។ យ៉ាងណាមិញ បច្ចុប្បន្ន ក្រុមគ្រួសាររបស់ Tangmo ក៏បាននឹងកំពុងបញ្ជូនសពទៅស្ថាប័នថ្មីនេះផងដែរ។

មិនតែប៉ុណ្ណោះ ចំពោះដំណឹងមួយនេះ វាពិតធ្វើឱ្យមហាជនរំភើបចិត្ត នឹង សង្ឃឹមថា យុត្តិធម៌នឹងមានសម្រាប់នាងក្នុងពេលឆាប់ៗនេះ ព្រោះអ្វីដែលសំខាន់ពេលនេះក៏មានស្ថាប័នមេធាវីជាច្រើន បាននឹងកំពុងតែសហការគ្នាយ៉ាងដុតដៃដុតជើង ចំពោះរឿងក្តីមួយនេះទៀតផង៕

ប្រភព៖ innnews