ចូលដល់អាយុ ៤៧ ឆ្នាំ តួព្រះនាងរៀបអភិសេក ស្រាប់តែទម្លាយយ៉ាងភ្ញាក់ផ្អើល ពាក់ព័ន្ធរឿងរើសគូស្រករ
កាលពីដើមខែកុម្ភៈ ឆ្នាំ ២០២២ កន្លងទៅ បើយោងតាមប្រភពចេញពី On បានចុះផ្សាយអំពីតារាសម្ដែងស្រី Charmaine Sheh ទាក់ទងនឹងបទសម្ភាសចាស់របស់នាង កាលពីចុងឆ្នាំ ២០២១ ដោយតារាស្រីរូបនេះបានចែករំលែកអំពីផែនការងាររបស់នាង ទាំងជីវិតឯកជនផ្ទាល់ខ្លួន និង អាជីពការងារក្នុងឆ្នាំ ២០២២ នេះ។
ជាមួយគ្នានោះ តារាស្រីរូបនេះ បានសង្ឃឹមថាក្នុងឆ្នាំថ្មីនេះ អាជីពការងារក្នុងសិល្បៈរបស់នាង នឹងដំណើរការយ៉ាងរលូនជាងឆ្នាំមុនៗទៀត ព្រមទាំងទម្លាយនូវរឿងរ៉ាវស្នេហាផ្ទាល់ខ្លួនរបស់នាងផងដែរ។
ក្នុងនោះដែរ តារាសម្ដែងស្រី Charmaine Sheh ដែលអ្នកគាំទ្រស្គាល់ថាជាតួ ព្រះនាងរៀបអភិសេក បាននិយាយក្នុងបទសម្ភាសថា នាងនឹងមិនរៀបការដោយសារតែអាយុរបស់នាងទេ តែនាងនឹងរង់ចាំមនុស្សដែលមានសមត្ថភាព ដែលធ្វើឱ្យនាងកោតសរសើរដល់រូបគេ ៖ «ចូលដល់អាយុ ៤៧ ឆ្នាំ ខ្ញុំតែងត្រូវបានគេជំរុញឱ្យរៀបការ ប៉ុន្តែខ្ញុំបានសម្រេចចិត្តថានឹងមិនរៀបការ ព្រោះតែតួលេខអាយុរបស់ខ្ញុំទេ។ ខ្ញុំនៅតែស្វែងរកមនុស្សដែលមានសមត្ថភាពអាចធ្វើឱ្យខ្ញុំកោតសរសើរចំពោះគេបាន រៀនស្វែងយល់ពីគ្នា និង គោរពគ្នាទៅវិញទៅមក ដើម្បីរស់នៅជាមួយគ្នាដល់ចាស់កោងខ្នង»។
មិនត្រឹមតែប៉ុណ្ណោះទេ តារាស្រីរូបនេះ ក៏បាននិយាយជាការលើកកម្លាំងចិត្តដល់នារីដែលមានវ័យជ្រេមិនទាន់រៀបការ កុំរស់នៅតាមផ្នត់គំនិតអ្នកដទៃ ត្រូវព្យាយាមស្វែងរកសុភមង្គលផ្ទាល់ដោយខ្លួនឯង នេះគឺជាជម្រើសដ៏ត្រឹមត្រូវបំផុត៕
