(វីដេអូ) តាមពិតបុរសកំបាំងមុខស្និទ្ធនឹង ពេជ្រ សោភា ធ្លាប់មកប្រឡងកម្មវិធីនេះ ហើយបាន Yes ពី ពេជ្រ សោភា ទៀត

បើកទំព័រស្វាគមន៍ឆ្នាំថ្មីភ្លាម កំពូលតារាចម្រៀងស្រីប្រចាំផលិតកម្មរស្មីហង្សមាសអ្នកនាង ពេជ្រ សោភា ធ្វើឱ្យធ្វើឱ្យអ្នកគាំទ្រភ្ញាក់ផ្អើលភ្លាម ក្រោយបង្ហោះរូបជាមួយបុរសកំបាំងមុខ បង្ហាញភាពផ្អែមល្ហែមជាមួយគ្នាជាច្រើនសន្លឹកនៅលើបណ្តាញសង្គម។

ក្រោយបានឃើញរូបភាពទាំងនេះមហាជនបានលើកឡើង នាំគ្នាសង្ស័យថាបុរសដែលអ្នកនាង ពេជ្រ សោភា កំពុងស្និទ្ធស្នាលជាមួយនេះគឺពុំមែនជាតារាសម្តែងលោក ឆឹម សក្កដា នោះឡើយ តែអាចជាតារាបង្ហាញម៉ូដមួយរូបដែលមានឈ្មោះថា ស៊ីន សំណាង ដែលមានឈ្មោះហៅក្រៅថា យ៉ូស៊្វេ ណាង មានអាយុ ២៧ ឆ្នាំ។

តារាបង្ហាញម៉ូដរូបនេះធ្លាប់ជាអតីតបេក្ខភាពប្រឡងក្នុងកម្មវិធីចម្រៀងថ្មីមួយរបស់ស្ថានីយ៍ទូរទស្សន៍ហង្សមាស «Beat The Best» ដោយបញ្ចេញសមត្ថភាពច្រៀងបទ «Solo Life» ហើយក្នុងពេលប្រឡងនោះបេក្ខជនរូបនេះ គឺទទួលបានការចាប់អារម្មណ៍ពីតារាចម្រៀងស្រី ពេជ្រ សោភា ពីរូបសម្រស់របស់លោក ហើយបានឆ្លើយឱ្យរូបគេបន្តដំណើរទៅមុខបានទៀត រហូតធ្វើការចែករំលែកក្នុងបណ្តាញសង្គមផ្ទាល់ខ្លួនថែមទៀតផង។

ទាំងអស់នេះហើយ ដែលអាចជាដំរួយដល់អ្នកគាំទ្រ ឱ្យចាប់ផ្តើមលេចការសង្ស័យថាបុរសក្នុងរូបភាពជាមួយនាង គឺជាបុរសម្នាក់នេះ។ ចំពោះបញ្ហាលម្អិតច្បាស់ គឺមានតែរង់ចាំសាមីខ្លួនធ្វើការបកស្រាយ និង អាប់ដេតជូននៅពេលក្រោយតែប៉ុណ្ណោះ។ យ៉ាងណាមិញ សូមទស្សនាវីដេអូពេលដែលលោក ស៊ីន សំណាង ប្រឡងហើយទទួលបានការចាប់អារម្មណ៍ខាងក្រោមនេះ ៖