Kalamare អតីតពិធីការិនី «៣ Zaap» អាយុ ៤៥ ឆ្នាំហើយ មិនព្រមយកស្វាមី ក៏ព្រោះមូលហេតុនេះ

អតីតពិធីការិនីស្រីល្បីឈ្មោះ ប្រចាំកម្មវិធី ៣ Zaap នាង kalamare ថ្មីៗនេះ កំពុងតែធ្វើឱ្យមហាជន មានការចាប់អារម្មណ៍ខ្លាំង​ខណៈដែលតារាស្រីរូបនេះរង់ចាំស្នេហ៍ពិត អស់រយៈពេល ៤៥ ឆ្នាំ តែបែរមិនទាន់ជួបសមបំណង។

កាលពីពេលថ្មីៗកន្លងទៅនេះ តារាស្រីនាង Kalamaer បានជួបនូវរឿងរ៉ាវអាស្រូវទាក់ទងទៅនឹងការផ្សព្វផ្សាយលក់ផលិតផលអាហាបំប៉នព្យាបាលកូវីដ រហូតធ្វើឱ្យមានផ្ទុះការរិះគន់ខ្លាំង និង ក្លាយជាមូលហេតុដែលនាងត្រូវសម្រេចចិត្តលាឈប់ពីការងារសិល្បៈ។ យ៉ាងណាមិញ បើនិយាយពីជីវិតឯកជនតារាស្រីរូបនេះវិញ មហាជនពិតជាដឹងហើយថាពេលនេះ នាងមានអាយុ ៤៥ ឆ្នាំហើយ ក៏ប៉ុន្តែនាងពុំទាន់មានគូស្នេហ៍សាងគ្រួសារនៅឡើយទេ និង ក្លាយជាប្រធានបទក្ដៅគគុកក្នុងការជជែកបែកពពុះមាត់ ពីសំណាក់អ្នកគាំទ្ររបស់នាង។

ដើម្បីឆ្លើយតបទៅនឹងសំណួរបស់មហាជនជាច្រើនដែលតែងតែចង់ដឹងពីរឿងគូស្រករនេះ នាង Kalamare បានចេញមុខបកស្រាយ នៅក្នុងកម្មវិធីកម្សាន្តមួយ ហើយនាងក៏បានបង្ហើបថា «ពេលនេះនាងនៅតែបើកបេះដូងរបស់ខ្លួនរហូតអ៊ីចឹង តែក៏នៅពុំទាន់បានជួបមនុស្សដែលនាងត្រូវចិត្តនៅឡើយទេ។ ជាមួយគ្នានោះ តារាស្រីរូបនេះ បានបន្ថែមទៀតថា បុរសដែលនាងគិតថាអាចក្លាយជាគូអនាគតនាងបាននោះ ទី១ គឺត្រូវតែជាមនុស្សនៅលីវដូចគ្នាមិនធ្លាប់មានប្រពន្ធកូន ទី២ រស់នៅចុះសម្រុងគ្នាអាចប្រឹក្សាយោបល់គ្នាបាន និង ទី៣ ជាមនុស្សដែលមានមុខរបរមួយច្បាស់លាស់»៕