ញាក់ណាស់! សម្រាលកូនបាន ៨ ខែ តែកុំមើលរាង អេនជី ក្រមុំៗសុំខ្មាស

បើទោះជាសម្រាលកូនបានប្រមាណជា ៨ ខែហើយក្តី តែតារាចម្រៀងប្រចាំផលិតកម្មសាន់ដេ អ្នកនាង អេនជី ហាក់មិនទាន់ប្រកាសដំរួយណាមួយនៅឡើយថានាងនឹងវិលចូលក្នុងវិថីសិល្បៈវិញ ។ ក្នុងនោះ​ គេហាក់ឃើញ អេនជី បែរជាកំពុងវីរវក់នឹងមុខជំនួញនៅក្នុងដៃជាច្រើនទៅវិញ ដោយក្នុងនាមជាថៅកែស្រីដ៏ជោគជ័យម្នាក់ ។

បើក្រឡេកទៅមើលសម្រស់របស់នាងវិញនោះ បើទោះជាមានស្វាមី និង កូនមិនទាន់បានមួយឆ្នាំផង អេនជី ហាក់ប្រែសម្រស់ស្រស់ស្អាតលើសដើម ។ លើសពីនោះ មហាជនអ្នកគាំទ្រក៏តែងលើកឡើងថា បើជារវល់នឹងរបររកស៊ីផង មើលថែស្វាមី និង កូនផង តែ អេនជី នៅតែអាចថែសម្រស់បានយ៉ាងល្អ ។

តួយ៉ាងមួយរយៈចុងក្រោយនេះ អេនជី កាន់តែធ្វើឱ្យអ្នកគាំទ្រ ជាពិសេសនារីៗជាអ្នកម្តាយច្រើនរូបលាន់មាត់ថា អេនជី ពិតជាប្លែកខ្លាំងណាស់ ទាំងសម្បុរ និង រូបរាង ពោលគឺ អេនជី ក្មេងជាងកាលពីនាងនៅលីវ ព្រមទាំងស្លីមក្បាលពោះរាបស្មើ សឹងតែមិនដឹងថាធ្លាប់ពពោះទៀតផង ៕