រកឃើញអ្នកស្លា./ ប់កើនដល់ ២២១ នាក់ ក្នុងហេតុការណ៍បាក់រលំដំបូលក្លឹបនៅសាធារណរដ្ឋដូមីនីក

មន្ត្រីសាធារណរដ្ឋដូមីនីក បានប្រកាសថាចំនួនអ្នកស្លាប់ដោយសារតែការបាក់រលំដំបូលអគារក្លឹបកម្សាន្តកាលពីដើមសប្ដាហ៍កន្លងទៅនេះ បានកើនឡើងដល់ ២២១ នាក់ហើយ ខណៈ ១៨៩ នាក់ទៀតត្រូវបានជួយសង្គ្រោះ។

លោក Juan Manuel Mendez ប្រធានផ្នែកខាងឆ្លើយតបសង្គ្រោះបន្ទាន់ប្រចាំសាធារណរដ្ឋដូមីនីក បានបញ្ជាក់ឱ្យដឹងកាលពីថ្ងៃទី ១០ ខែមេសា ឆ្នាំ ២០២៥ កន្លងទៅថា ខាងក្រុមសង្គ្រោះបានបញ្ចប់បេសកកម្មស្វែងរកជនរងគ្រោះក្នុងហេតុការណ៍បាក់រលំដំបូលក្លឹបនៅក្រុង Santo Domingo កាលពី ២ ថ្ងៃកន្លងទៅ ដោយធ្វើការប្រគល់ការចូលទៅទីតាំងកើតហេតុទៅឱ្យខាងព្រះរាជអាជ្ញាដើម្បីបញ្ជាក់ពីសោកនាដកម្មមួយនេះ។

គួររំឭកថា ហេតុការណ៍បាក់រលំដំបូលក្លឹបរាត្រី Jet Set កាលពីថ្ងៃទី ០៨ ខែមេសា ឆ្នាំ ២០២៥ កន្លងទៅ ដោយសោកនាដកម្មនេះបានកើតឡើងអំឡុងពេលតារាចម្រៀង Ruby Perez កំពុងធ្វើការប្រគំតន្ត្រី។ ចំពោះចំនួនអ្នកចូលរួមពិតប្រាកដប៉ុន្មានខាងមន្ត្រីប្រចាំតំបន់ និង ខាងក្លឹបកម្សាន្តនោះមិនបានបញ្ជាក់ប្រាប់នោះឡើយ គ្រាន់តែខាងសារព័ត៌មានក្នុងស្រុកបានលើកឡើងថាចំនួនអ្នកនៅក្នុងក្លឹបពេលនោះអាចមានចន្លោះពី ៥០០ ទៅ ១ ពាន់នាក់៕