ក្រុមហ៊ុន អាយជី ត្រេឌីង គ្រុប (IG Trading Group Co.,Ltd) បានបង្ហាញរូបរាងថ្មីនៃផលិតផលទឹកដោះពពែម្សៅ Danalac GOAT PREMIUM របស់ខ្លួនជាផ្លូវការ ជាមួយសោភ័ណ្ឌភាពល្អប្រណីត បង្ហាញពីភាពថ្លៃថ្នូរ និងគុណភាពកាន់តែប្រសើរ។
នាព្រឹកថ្ងៃទី ១៥ ខែមីថុនា ឆ្នាំ ២០២៥ នេះ ក្រុមហ៊ុន IG Trading Group បានបង្ហាញនូវរូបរាងថ្មីជាផ្លូវការនៃផលិតផលទឹកដោះពពែម្សៅ Danalac GOAT PREMIUM នៅលើបណ្តាញសង្គមហ្វេសប៊ុក ជាមួយនឹងសោភ័ណ្ឌភាពលេចធ្លោទាក់ភ្នែក។
ក្រៅពីរូបរាងដ៏ប្រណីត ទឹកដោះពពែម្សៅ Danalac GOAT PREMIUM ក៏បានបន្ថែមនូវរូបមន្តថ្មីៗជាច្រើន បំពេញតាមតម្រូវការរបស់ម៉ាក់ៗសម័យថ្មី និងជាអាហារូបត្ថម្ភ ដែលចាំបាច់សម្រាប់កុមារតូចៗផងដែរ។ នៅក្នុងនោះ ទឹកដោះពពែម្សៅរបស់ក្រុមហ៊ុន អាយជី ត្រេឌីង គ្រុប បានផ្តោតសំខាន់ទៅលើសារធាតុចាំបាច់មួយចំនួនដូចជា៖
Selenium៖ សេលេនីញ៉ូម ធម្មជាតិ ជួយបង្កើន និងជំរុញដល់មុខងារនៃប្រព័ន្ធភាពស៊ាំ
Prebiotics (GOS/FOS)៖ ជាចំណីអាហារដ៏ល្អសម្រាប់ពពួកបាក់តេរីល្អ ជួយដល់សុខភាពប្រព័ន្ធរំលាយអាហារ
DHA & ARA៖ ជួយដល់ការអភិវឌ្ឍន៍ប្រព័ន្ធប្រសាទ និងខួរក្បាលកុមារ
Iron៖ ជួយដល់កោសិកាឈាមក្រហម ការពារជំងឺស្លេកស្លាំង និងជំងឺក្រិន
Calcium៖ ជំនួយឆ្អឹងរឹងមាំ និងការលូតលាស់ល្អ
គូសបញ្ជាក់ផងដែរថា ក្រុមហ៊ុន អាយជី ត្រេឌីង គ្រុប គឺជាបុត្រសម្ព័ន្ធរបស់ក្រុមហ៊ុន IG International Group ដែលបានបង្កើតឡើងនៅឆ្នាំ ២០១៧ ហើយគោលបំណងរបស់ក្រុមហ៊ុន គឺនាំយកផលិតផលដែលមានគុណភាពមកចែកចាយជូនអតិថិជន និងលើកតម្កើងផលិតផលក្នុងស្រុក។ បច្ចុប្បន្ន ក្រុមហ៊ុនបានចែកចាយផលិតផលរបស់ខ្លួនបានទៅដល់ ៣៥០០ ហាង គ្របដណ្តប់ទូទាំងប្រទេស។ ជាមួយគ្នានេះដែរ នៅឆ្នាំ ២០១៩ IG Trading Group បានទទួលសិទ្ធិផ្ដាច់មុខពី ក្រុមហ៊ុន ដាណា ឌែរី គ្រុប ក្នុងការចែកចាយផលិតផលទឹកដោះគោ និងពពែម្សៅសម្រាប់កុមារ និងទារកនៅកម្ពុជា។ ដាណា ឌែរី គ្រុប គឺជាអ្នកផលិត និងផ្គត់ផ្គង់ទឹកដោះគោជាច្រើនមុខទៅកាន់ទីផ្សារពិភពលោក ជាមួយនឹងរោងចក្រធំៗរបស់ខ្លួននៅក្នុងប្រទេសបារាំង ស្វីស និងអេស្តូនី។ បច្ចុប្បន្ន ដាណា ឌែរី គ្រុប ប្រតិបត្តិការចែកចាយផលិតផលរបស់ខ្លួនទៅកាន់ជាង ៤០ ប្រទេសទូទាំងពិភពលោក៕
