ជាសុភាពបុរសទាំងក្នុង និង ក្រៅសាច់រឿង! តារាប្រុសរូបសង្ហា Ding Yuxi ជួយក្មេងស្រីម្នាក់ ឱ្យគេចផុតពីគ្រោះថ្នា./ក់ចៃដន្យអំឡុងពេលថត

ថ្មីៗនេះ ឃ្លីបវីដេអូខ្លីមួយដែលថតជួបសកម្មភាពរបស់តារាសម្ដែងប្រុសរូបសង្ហា Ding Yuxi ជាមួយនឹងក្មេងស្រីជាសម្ដែងមួយរូបអំឡុងពេលថតភាពយន្ត កំពុងផ្ទុះការចាប់អារម្មណ៍ខ្លាំង។ វីដេអូនោះដែរ បង្ហាញឱ្យឃើញអំឡុងពេលថត ខាងបុគ្គលិកក្រោយឆាកបាននាំគ្នាម្នីម្នាលើកផ្លាស់ឧករណ៍ធំៗដែលសឹងតែធ្វើឱ្យប៉ះទង្គិចលើតារាស្រីវ័យក្មេងខាងលើ។

យ៉ាងណាមិញ ភ្លាមៗ Ding Yuxi បានប្រទះឃើញក៏រហ័សទៅឈរពីក្រោយក្មេងស្រីរូបនោះធ្វើជាខែលការពារនាង រួមទាំងនិយាយប្រាប់ក្រុមការងារឱ្យមានការប្រុងប្រយ័ត្នជាងនេះ។ អ្វីដែលធ្វើឱ្យមហាជនកាន់តែស្ញប់ស្ញែងខ្លាំងជាងនេះទៅទៀតនោះ គឺសកម្មភាពរបស់ Ding Yuxi ពេលការពារក្មេងស្រីរូបនោះ លោកគឺគិតគូរយ៉ាងដិតដល់ដោយដៃរបស់លោករាការពារក្នុងចម្ងាយមួយជាការគោរពក្មេងស្រី ដោយព្យាយាមមិនប៉ះពាល់រូបរាងកាយរបស់នាងឡើយ។

គួរបញ្ជាក់ដែរថា នេះមិនមែនជាលើកទីមួយនោះឡើយដែលតារាប្រុស Ding Yuxi បានជួយសង្គ្រោះក្រុមការងារនៅកន្លែងធ្វើការនោះ។ ជាក់ស្ដែង កាលពីសប្ដាហ៍មុន លោកក៏បានជួយបុគ្គលិកម្នាក់ដែលបានធ្លាក់ចូលក្នុងទឹកអំឡុងពេលថតផងដែរ។ ទង្វើល្អរបស់លោកនេះបានឆក់យកបេះដូងមហាជនជាច្រើនឱ្យលង់ស្រឡាញ់រូបលោកកាន់តែខ្លាំង៕

ប្រភព៖ Kenh14