ថ្មីៗនេះ កម្រងរូបភាពមួយចំនួនរបស់តារាចម្រៀង Jay សមាជិកក្រុម ENHYPEN កំពុងផ្ទុះចែកចាយ និង វែកញែកពាសពេញបណ្ដាញសង្គម ដោយរូបលោកត្រូវបានប្រទះឃើញដើរជាមួយនារីអាថ៌កំបាំងម្នាក់។
តាមរូបភាពដែលថតបាន Jay ស្ថិតក្នុងឈុតពណ៌ខ្មៅ ពាក់ម៉ាស់បិទបាំងមុខពាក់កណ្ដាល ខណៈនារីអាថ៌កំបាំងដ៏ស្រស់ស្អាតរូបនោះស្ថិតក្នុងរ៉ូបពណ៌ខ្មៅដូចគ្នា។ ពួកគេទាំងពីរត្រូវបានប្រទះឃើញដើរកាន់ដៃគ្នាតាមផ្លូវ ឃើញញ៉ាំអីជាមួយគ្នាក្នុងភោជនីយដ្ឋានជាដើម។ រូបភាពទាំងនោះដែរ បានផ្ទុះចែកចាយខ្លាំងមែនទែននៅលើបណ្ដាញសង្គម Weibo រហូតដល់ X ដោយអ្នកគាំទ្រមួយចំនួនសង្ស័យថា លោកកំពុងតែណាត់ជួបគ្នាជាមួយមិត្តស្រី។
យ៉ាងណាមិញ ក៏មានអ្នកគាំទ្ររបស់លោកមួយចំនួនទៀតលើកឡើងអះអាងដែរថា នារីអាថ៌កំបាំងនោះគឺមិនមែនជាមិត្តស្រីលោកឡើយ ប៉ុន្តែជាម្ដាយរបស់លោកទៅវិញទេ ព្រោះថា Jay មិនមែនត្រូវបានគេប្រទះឃើញជានារីភិនភាគដូចគ្នាត្រឹមតែម្ដងនោះឡើយ។ ជាងនេះទៅទៀត Jay ជាញឹកញាប់តែងតែជួបនារីរូបនោះក្បែរក្រុមហ៊ុនរបស់លោកដោយគ្មានការបិទបាំងអ្វីឡើយ ដូច្នេះហើយអ្នកគាំទ្រជឿថា រូបនាងពិតជាមានទំនាក់ទំនងពិសេសជាមួយគាត់ជាមិនខាន។
ទោះជាយ៉ាងណាក៏ដោយ ខាងក្រុម ENHYPEN និង ខាងផលិតកម្មរបស់ពួកគេនៅមិនទាន់ចេញមកឆ្លើយតបលើចចាមអារ៉ាមនេះនៅឡើយទេ៕
ប្រភព៖ Koreaboo
