ជាដំណឹងដ៏ក្រៀមក្រំមួយសម្រាប់សិល្បៈក្នុងប្រទេសកូរ៉េខាងត្បូង ដោយលោក Sung Yong ជាតារាកំប្លែង និង Youtuber ដ៏ល្បីមានអ្នកចុច subscribe ចំនួន ២៤ ម៉ឺននាក់ បានទទួលមរណភាពទៅហើយក្នុងវ័យ ៣៥ ឆ្នាំ។
ដំណឹងមួយនេះត្រូវបានប្រកាសដោយ channel youtube «Three Combo» ដោយរៀបរាប់ថា៖ «សួស្ដី នេះគឺ Threecombo។ វាពិតជាក្រៀមក្រំណាស់ដែលពួកយើងត្រូវប្រាប់ព័ត៌មាននេះដល់អ្នកទាំងអស់គ្នា។ ពួកយើងសោកស្ដាយក្នុងការប្រាប់អ្នកទាំងអស់គ្នាថា សមាជិកជាទីស្រឡាញ់របស់យើង Yong បានចាកចេញពីពិភពលោកនេះហើយ។ ពួកយើងសង្ឃឹមថា subscribers យើងទាំងអស់ដែលស្រឡាញ់ Yong នឹងបួងសួងឱ្យគាត់ដើម្បីឱ្យគាត់អាចទៅកាន់ទីកន្លែងដែលល្អ ហើយយើងក៏សុំចិត្តអ្នកទាំងអស់គ្នាចៀសពីការលើកឡើងមិនចាំបាច់នានាដែលពាក់ព័ន្ធនឹងគាត់។ ជាថ្មីម្ដងទៀត ពួកយើងសូមធ្វើការរំលែកទុក្ខចំពោះក្រុមគ្រួសារនៃសមាជិករបស់យើងផង»។
គួរបញ្ជាក់ថា Sung Yong គឺជាតារាកំប្លែងមួយរូបដែលធ្លាប់បង្ហាញសមត្ថភាពធ្វើឱ្យមហាជនសើចសប្បាយលើឆាកកម្មវិធីជាច្រើននៅ Daehak-ro ក្រុងសេអ៊ូល មុនពេលលោកនាំយកសមត្ថភាពទាំងនោះបង្ហាញលើ Youtube ក្នុងឆ្នាំ ២០១៨។ ពិធីបុណ្យសពរបស់លោកនឹងប្រារព្ធធ្វើឡើងនៅទីតាំងរៀបចំបុណ្យសពនៅ Anseong-si ខេត្ត Gyeonggi ហើយរាងកាយរបស់លោកនឹងយកទៅបញ្ចុះនៅថ្ងៃទី ២៣ ខែវិច្ឆិកា ខាងមុខនេះ៕
ប្រភព៖ AllKpop
