ធ្លាប់ជាប់គុ.ក ព្រោះតុលាការកាត់ក្ដីខុសអស់ ២៤ ឆ្នាំ បានប្រាក់សំណង ៤ លានដុល្លារ ឥលូវត្រូវចូលគុ.កម្ដងទៀតលើបទឧក្រិដ្ឋដដែល

បុរសសញ្ជាតិអាមេរិកម្នាក់ឈ្មោះ Shaurn Thomas ដែលត្រូវតុលាការកាត់ទោសខុសលើបទឃាតកម្មក្នុងឆ្នាំ ១៩៩០ និង សងជាសំណងជំងឺចិត្តចំនួន ៤ លានដុល្លារ ស្រាប់តែប៉ុន្មានខែមុននេះ រកឃើញថាបានប្រព្រឹត្តករណីឃាតកម្មដដែលលើបុរសម្នាក់ជុំវិញបំណុលគ្រឿងញៀនកាលពីឆ្នាំ ២០២៣។

លោក Thomas ត្រូវបានឱ្យដឹងថាបានចំណាយពេល ២៤ ឆ្នាំក្នុងពន្ធនាគារជុំវិញករណីឃាតកម្មដែលរូបលោកមិនបានប្រព្រឹត្ត និង ត្រូវបានតុលាការសម្រេចដោះលែងឱ្យមានសេរីភាពវិញ រួមទាំងសំណងជំងឺចិត្តចំនួន ៤.១ លានដុល្លារ។ យ៉ាងណាមិញ ៧ ឆ្នាំក្រោយការដោះលែងឱ្យមានសេរីភាពវិញនេះ លោក Thomas ក៏ស្រាប់តែរកឃើញប្រព្រឹត្តករណីឃាតកម្មលើបុរសម្នាក់ផ្សេងទៀតនៅដើមឆ្នាំ ២០២៣ ជុំវិញបំណុលគ្រឿងញៀនចំនួនជាង ១២០០ ដុល្លារ។

Thomas ត្រូវបានតុលាការកាត់ទោសកាលពីថ្ងៃទី ២៨ ខែកុម្ភៈ ឆ្នាំ ២០២៥ កន្លងទៅ ឱ្យជាប់ពន្ធនាគារពី ៣៣ ឆ្នាំ ទៅ ៦៦ ឆ្នាំ។ តាមកាសែត Philadelphia Inquirer បានចេញផ្សាយថា លោក Thomas បានជួបជនរងគ្រោះ Akeem Edwards អាយុ ៣៣ ឆ្នាំ តាមបណ្ដាញពីអតីតទណ្ឌិតដែលស្គាល់គ្នា។ លោកបានបាញ់សម្លាប់ Edwards ហើយក្រោយការចាប់ខ្លួន លោកក៏ត្រូវរកឃើញថាពិតជាបានប្រព្រឹត្តបទឧក្រិដ្ឋនោះមែន និង ត្រូវតុលាការកាត់ទោសចំនួន ២ ករណី ប្រព្រឹត្តអំពើឃាតកម្មកម្រិតទី ៣ និង ប្រើប្រាស់អាវុធខុសច្បាប់៕

ប្រភព៖ 9GAG