កាលពីថ្ងៃទី ១៣ ខែកក្កដា ឆ្នាំ ២០២៥ កន្លងទៅ មានហេតុការណ៍ដ៏រន្ធត់មួយបានកើតឡើងក្នុងពិធីមង្គលការមួយនៅសង្កាត់ Belagavi រដ្ឋ Karnataka ប្រទេសឥណ្ឌា ដោយបុរសវ័យ ៣០ ឆ្នាំ ឈ្មោះ Vinod Malashetti ត្រូវស្ត្រីម្នាក់យកកាំបិតចាក់រហូតស្លាប់ព្រោះតែរឿងសុំថែមសាច់មាន់។
តាមព័ត៌មាន NDTV បានឱ្យដឹងថា ជនរងគ្រោះបានទៅចូលរួមពិធីមង្គលការរបស់មិត្តភក្តិលោកម្នាក់ឈ្មោះ Abhishek Koppad។ ដើមហេតុកើតឡើងនៅពេលលោក Malashetti រអ៊ូរឿងគេចាប់ម្ហូបឱ្យសាច់មាន់ដុំតូចពេក ហើយក៏សុំស្ត្រីម្នាក់ដែលជាអ្នកផ្ដល់ម្ហូបឈ្មោះ Vittal Harugopp ឱ្យផ្ដល់សាច់មាន់លោកថែមបន្តិចមក។
ពួកគេទាំងពីរក៏កើតជម្លោះទាស់ទែងគ្នារហូតស្ថានការណ៍កាន់តែអាក្រក់ ពេល Harugopp កើតកំហឹងខ្លាំងរហូតចាក់ Malashetti នឹងកាំបិតចិតខ្ទឹមបារាំង។ ជនរងគ្រោះបានស្លាប់នៅនឹងកន្លែងកើតហេតុដោយសារតែរបួសហូរឈាមខ្លាំងពេក។ ក្រោយទទួលព័ត៌មាន ប៉ូលិសក៏ចុះទៅដល់ទីតាំង តែជនសង្ស័យត្រូវប៉ូលិសចាប់ខ្លួនឬយ៉ាងណាគឺមិនមានព័ត៌មានបញ្ជាក់នោះឡើយ៕
