ករណីបុរសម្នាក់ត្រកូល Jiao ក្លែងខ្លួនបន្លំធ្វើជាស្ត្រី និង ដាក់ឈ្មោះថា ហុង ទៅល្បួងបោកប្រាស់មនុស្សប្រុសវ័យក្មេងចំនួន ១៦៩១ នាក់ កំពុងក្លាយជាប្រធានបទក្ដៅគគុកបំផុតលើបណ្ដាញសង្គម Weibo ក្នុងប្រទេសចិន។ យ៉ាងណាមិញ បុរសរូបនោះចុងក្រោយត្រូវបានប៉ូលិសចាប់ឃាត់ខ្លួន ក្រោយរូបភាព និង វីដេអូអាសអាភាសជាច្រើនត្រូវបានចែកចាយពាសពេញប្រព័ន្ធអនឡាញ។
តាមការបញ្ជាក់ពីខាងប៉ូលិសក្រុង Nanjing បុរសក្លែងបន្លំជាស្រីខាងលើមានអាយុ ៣៨ ឆ្នាំ ជាអ្នកមកពីខេត្តផ្សេងប៉ុន្តែមកធ្វើការនៅក្រុង Nanjing។ រូបគេបានបន្លំខ្លួនដោយស្លៀកពាក់សម្លៀកបំពាក់មនុស្សស្រី និង ពាក់សក់វែង និង អះអាងថាបានល្បួងបុរសៗជាច្រើនឱ្យលង់ខ្លួនប្រព្រឹត្តសកម្មភាពផ្លូវភេទជាមួយខ្លួន។
ចំពោះល្បិចល្បួងរបស់ប្រុសបន្លំខ្លួនជាស្រីរូបនេះវិញ គឺផ្ដល់អាហារក្ដៅសាច់ហ្វ្រីៗដល់បុរសទាំងនោះ ដោយគ្រាន់តែសុំឱ្យភាគីម្ខាងទៀតយកកាដូតិចតួចមកជាមួយដូចជាទឹកដោះគោ ឬប្រេងឆាជាដើម ជាថ្នូរដោះដូរគ្នា។ អំឡុងពេលមានសកម្មភាពជាមួយគ្នានោះ នាង ហុង ក៏បានលួចថតវីដេអូដោយគ្មានបិទបាំងមុខមាត់ភាគីម្ខាងទៀតឡើយ រួចក៏យកបង្ហោះលើប្រព័ន្ធអនឡាញ ឬទីផ្សារងងឹតដើម្បីរកប្រាក់ពីនោះ៕
ប្រភព៖ Kenh14
