សារមន្ទីរមួយកន្លែងនាក្រុងប៉េកាំង ប្រទេសចិន បានបញ្ចេញកាហ្វេរសជាតិថ្មី ដែលមានរោយកម្ទេចសត្វកន្លាតពីលើ កំពុងផ្ទុះការចាប់អារម្មណ៍ខ្លាំងពីមហាជន។
កាហ្វេសត្វកន្លាតនេះដែរ មានដាក់លក់ក្នុងហាងកាហ្វេមួយកន្លែងនាសារមន្ទីរតាំងបង្ហាញសត្វល្អិតនៅទីក្រុងប៉េកាំង ប្រទេសចិន ដោយក្នុងមួយកែវតម្លៃ ៤៥ យ័ន (៦ ដុល្លារ)។ ថ្លែងប្រាប់សារព័ត៌មានក្នុងស្រុក បុគ្គលិកសារមន្ទីរម្នាក់បាននិយាយថា៖ «ពួកយើងបានបញ្ចេញកាហ្វេរសជាតិថ្មីនេះកាលពីចុងខែមិថុនាកន្លងទៅ ហើយវាក៏បានផ្ទុះលើបណ្ដាញសង្គមនាពេលថ្មីៗនេះ»។ លោកបានបន្ថែមទៀតថា៖ «ដោយសារនេះជាសារមន្ទីរផ្ដោតលើសត្វល្អិត ដូច្នេះនេះជាគំនិតល្អមួយក្នុងការមានភេសជ្ជៈដែលស៊ីគ្នានឹងសារមន្ទីរបែបនេះ»។
តាមការបញ្ជាក់ពីបុគ្គលិក ហាងកាហ្វេខាងលើលក់កាហ្វេសត្វកន្លាតបានជាង ១០ កែវក្នុងមួយថ្ងៃ។ គួរឱ្យដឹងផងដែរថា ក្រៅពីកាហ្វេកន្លាត ខាងហាងក៏មានលក់ភេសជ្ជៈសត្វល្អិតផ្សេងៗទៀតផងដែរ ដូចជាភេសជ្ជៈ limited edition ធ្វើពីសត្វស្រមោចជាដើម ដែលដាក់លក់ឱ្យអតិថិជនតែអំឡុងពេលបុណ្យ Halloween ប៉ុណ្ណោះ៕
រូបតំណាង
