ពុ-ទ្ធោ! ស្ត្រីម្នាក់នៅអាមេរិក ផ្ដ-ា..ច់ជីវិ/តកូនស្រីទាំង ៤ នាក់ រួចព្យាយាមសំ-/ឡេះខ្លួនឯងតាមក្រោយ តែមិនបានសម្រេច

ស្ត្រីវ័យ ៣២ ឆ្នាំម្នាក់នៅក្រុង Byron សហរដ្ឋអាមេរិក បានធ្វើការបាញ់សម្លាប់កូនស្រីរបស់ខ្លួនទាំង ៤ នាក់យ៉ាងរន្ធត់ មុនពេលបន្តបាញ់សម្លាប់ខ្លួនឯងតាមក្រោយតែមិនបានសម្រេច។ ហេតុការណ៍ដ៏តក់ស្លុតនេះផងដែរបានកើតមានឡើងនៅរសៀលថ្ងៃទី ១០ ខែកុម្ភៈ ឆ្នាំ ២០២៥ កន្លងទៅ (ពេលវេលាក្នុងតំបន់) ដោយក្មេងស្រីរងគ្រោះចំនួន ៣ នាក់បានស្លាប់នៅនឹងកន្លែង ខណៈស្ត្រីដៃដល់ជាម្ដាយ និង កូនស្រីម្នាក់ទៀតអាយុ ៧ ឆ្នាំ កំពុងទទួលការសង្គ្រោះបន្ទាន់នៅមន្ទីរពេទ្យ។

មកដល់ថ្ងៃទី ១១ ខែកុម្ភៈ ឆ្នាំ ២០២៥ លោក Ken Blackburn មេប៉ូលិសក្នុងតំបន់ខាងលើបានផ្ដល់ព័ត៌មានបន្ថែមជុំវិញករណីនេះដែរថា ស្ត្រីជាម្ដាយ និង ជាជនដៃដល់ដែរនោះបានទូរស័ព្ទមកប៉ូលិសរាយការណ៍ថានាងបានសម្លាប់កូនៗខ្លួនហើយ និង គ្រោងសម្លាប់ខ្លួនឯងតាមក្រោយ។ ខាងភ្នាក់ងារប៉ូលិសនៅពេលនោះព្យាយាមរក្សាការខលចូលនោះដែរ ប៉ុន្តែមិនទទួលបានជោគជ័យ។

រយៈពេលប៉ុន្មាននាទីក្រោយមក ប៉ូលិសក៏បានចុះទៅដល់ទីតាំងដោយប្រទះឃើញស្ត្រីជាម្ដាយនៅមានដង្ហើម តែរងរបួសដោយគ្រាប់កាំភ្លើងបាញ់ចំក្បាលធ្ងន់ធ្ងរ។ ក្មេងស្រីជាកូនចំនួន ២ នាក់ (ម្នាក់អាយុ ៩ ឆ្នាំ និង ម្នាក់ទៀតអាយុ ២ ឆ្នាំ) បានស្លាប់ភ្លាម ខណៈក្មេងស្រីអាយុ ២ ឆ្នាំម្នាក់ទៀតពេលប៉ូលិសទៅដល់នៅមានជីវិត ប៉ុន្តែមិនយូរប៉ុន្មានក៏បានស្លាប់។ ចំណែក ក្មេងស្រីអាយុ ៧ ឆ្នាំរកឃើញនៅមានជីវិត និង បានរងរបួសត្រង់ក្បាលដូចគ្នា ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗជាបន្ទាន់។

ចំពោះមូលហេតុដើមចមបណ្ដាលឱ្យម្ដាយដាច់ចិត្តលើកដៃសម្លាប់កូនៗទាំង ៤ នាក់ និង ខ្លួនឯងបែបនេះ ខាងប៉ូលិសកំពុងបន្តស៊ើបអង្កេតនៅឡើយ ប៉ុន្តែបើតាមសម្ដីមិត្តភក្តិដែលស្គាល់គ្នាជាមួយស្ត្រីជាម្ដាយបានប្រាប់សារព័ត៌មានថា ស្ត្រីរូបនោះគឺកើតមានបញ្ហាជំងឺផ្លូវចិត្តច្រើន ដោយក្នុងនោះរួមមានទាំងជំងឺផ្លូវចិត្តក្រោយសម្រាលកូនផងដែរ៕

ប្រភព៖ Dailymail