ជាដំណឹងដ៏តក់ស្លុត និង រន្ធត់មួយក្នុងវិស័យសិល្បៈកូរ៉េ ដោយតារាសម្ដែងស្រី Kim Sae Ron ត្រូវបានគេប្រទះឃើញស្លាប់ក្នុងផ្ទះនៅថ្ងៃទី ១៦ ខែកុម្ភៈ ឆ្នាំ ២០២៥ នេះ ទាំងវ័យត្រឹម ២៤ ឆ្នាំ។
តាមសេចក្ដីថ្លែងការណ៍ពីប៉ូលិសប្រាប់សារព័ត៌មាន Dispatch បានឱ្យដឹងថា មានការរាយការណ៍ទៅកាន់ប៉ូលិសនៅវេលាម៉ោង ៤ និង ៥០ នាទីល្ងាចថ្ងៃនេះថា ខាងភ្នាក់ងារសង្គ្រោះបន្ទាន់ត្រូវបានបញ្ជូនទៅផ្ទះ Kim Sae Ron ក្រោយមិត្តភក្តិនាងប្រទះឃើញនាងស្លាប់ក្នុងផ្ទះ។
បច្ចុប្បន្ន ប៉ូលិសកំពុងដាក់ការស៊ើបអង្កេតរកមូលហេតុបណ្ដាលឱ្យតារាស្រីរូបនេះស្លាប់ តាមការសាកសួរសាក្សីជាមិត្តដែលបានឃើញនាងដំបូងគេ។ ជាមួយគ្នានោះដែរ ប៉ូលិសក៏បញ្ជាក់ដែរថា មិនមានសញ្ញាណាបញ្ជាក់ពីករណីបទឧក្រិដ្ឋនោះឡើយ៕
ប្រភព៖ Koreaboo
