ថ្មីៗកន្លងទៅនេះ កំពូលតារាសម្ដែងស្រី Song Hye Kyo កំពុងត្រៀមបង្ហាញខ្លួនរួមគ្នាជាលើកដំបូងជាមួយកំពូលតារាសម្ដែងប្រុស Gong Yoo ក្នុងខ្សែភាពយន្តថ្មីមួយហៅថា «Slowly, Intensely»។
ដំណើរការថតខ្សែភាពយន្តថ្មីមួយនេះក៏កំពុងតែចាប់ផ្ដើមហើយដែរ ដោយកម្រងរូបភាពជាច្រើនរបស់តារាទាំង ២ នៅកន្លែងថតក៏បានទម្លាយខ្លះៗដែរ។ អ្វីដែលធ្វើឱ្យមហាជនជាច្រើនចាប់អារម្មណ៍ខ្លាំងបំផុតនោះ គឺស្ទីលម៉ូដសក់ខ្លីថ្មីរបស់តារាសម្ដែងស្រី Song Hye Kyo ដែលស្អាតទាក់ទាញខ្លាំងរហូតកំពុងផ្ទុះផ្អើលមានអ្នកចង់កាត់តាមនាងគ្រប់គ្នា។
ជាក់ស្ដែង ក្នុងកម្មវិធីវិទ្យុមួយដែលមាន Park Myung Soo ជាពិធីករ បានទទួលការហៅចូលមួយពីទស្សនិកជនម្នាក់ដែលបានចែករំលែកថា ភរិយារបស់ខ្លួនគិតចង់កាត់សក់ខ្លីឱ្យមើលទៅដូច Song Hye Kyo។
ជាងនេះទៅទៀត ខាងហាងសាឡនជាច្រើនក៏ដាក់ស្លាកព្រមានបែបលេងសើចទៅកាន់អតិថិជនរបស់ខ្លួនមួយចំនួនផងដែរ ដែលនាំគ្នាសម្រុកមកចង់កាត់សក់ខ្លីឱ្យដូច Song Hye Kyo ផងដែរថា៖ «បើសិនអ្នកចង់បានសក់ខ្លីដូច Song Hye Kyo អ្នកត្រូវមានមុខឱ្យដូច Song Hye Kyo សិន»៕
ប្រភព៖ 8days
