កាលពីថ្ងៃទី ១៨ ខែមីនា ឆ្នាំ ២០២៥ កន្លងទៅ ទស្សនាវដ្ដី Next Magazine បានបញ្ចេញកម្រងរូបភាពជាច្រើនរបស់លោក Philip Lee ស្វាមីរបស់តារាសម្ដែងស្រី Myolie Wu ដែលបានធ្វើពិធីជប់លៀងខួបកំណើតជាមួយមិត្តភក្តិ។ តាមរយៈរូបភាពដែលបានទម្លាយទាំងនោះបង្ហាញឱ្យឃើញលោក Philip Lee មានភាពស្និទ្ធស្នាលយ៉ាងខ្លាំងជាមួយមនុស្សស្រីជាច្រើនដោយមានទាំងការឱប និង ថើបថ្ពាល់ទៀតផង រហូតធ្វើឱ្យមហាជនជាច្រើនដាក់ការសង្ស័យថាអ្នកជំនួញប្រុសរូបនេះ កំពុងតែបង្ហាញទង្វើផិតក្បត់ប្រពន្ធហើយ។
យ៉ាងណាមិញ មកដល់ថ្ងៃទី ១៩ ខែមីនា ឆ្នាំ ២០២៥ នេះ លើគេហទំព័រផ្លូវការរបស់លោក Philip បានចេញមកបកស្រាយច្បាស់ៗថា កម្មវិធីជប់លៀងខួបកំណើតនោះ គឺមានការចូលរួមពីសំណាក់មិត្តភក្តិ និង សាច់ញាតិរបស់ពួកគេ។ គ្រប់គ្នាគេដឹងច្បាស់ថាលោកជាមនុស្សចូលចិត្តការឱបដើម្បីបង្ហាញពីភាពស្និទ្ធស្នាល។ លោកក៏បានបង្ហោះ quote ពីអត្ថបទមួយដោយសរសេរថា ការឱបដោយភាពស្និទ្ធស្នាលគឺល្អចំពោះសុខភាពផ្លូវចិត្ត។
ដោយឡែក នេះត្រឹមតែជាការបកស្រាយពីភាគីខាងប្រុសប៉ុណ្ណោះ ចំពោះតារាសម្ដែងស្រី Myolie Wu នៅមិនទាន់ចេញមកឆ្លើយតបលើបញ្ហាដ៏ក្ដៅគគុកនេះនៅឡើយទេ៕
ប្រភព៖ VN Express
